തിരുനെല്ലി പഞ്ചായത്തിലെ തോൽപ്പെട്ടിയിലുള്ള സേതു; കുഞ്ചാക്കോ ബോബന്റെ പുത്തൻ പരീക്ഷണം എങ്ങനെ? 'ഒരു ദുരൂഹ സാഹചര്യത്തിൽ' ട്രെയ്‌ലർ

തിരുനെല്ലി പഞ്ചായത്തിലെ തോൽപ്പെട്ടിയിലുള്ള സേതു... ജനകീയ ആരോഗ്യ കേന്ദ്രത്തിലെ ജീവനക്കാരൻ... അതിലുപരി റേഡിയോയുടെ സ്ഥിരം ശ്രോതാവ്... ഇടയ്ക്കിടയ്ക്ക് സ്വപ്നം കാണുന്ന ശീലം... 'ഒരു ദുരൂഹ സാഹചര്യത്തിൽ' എന്ന ചിത്രത്തിൽ കുഞ്ചാക്കോ ബോബന്റെ സേതു എന്ന കഥാപാത്രത്തിന്റെ ചില പ്രത്യേകതകളാണ് ഇതൊക്കെ. ഇനി എന്തൊക്കെയാണ് സിനിമയിലൂടെ കാണാൻ പോകുന്നത് എന്ന് ചോദിച്ചാൽ പ്രേമം, അടി, ആക്ഷൻ, കൂടെ ഇടി, വെടി പുക ഇതൊക്കെയായി ഒരു ഫുൾ പാക്ക്ഡ് ചിത്രം. രതീഷ് ബാലകൃഷ്ണൻ പൊതുവാൾ രചനയും സംവിധാനവും ചെയ്ത ചിത്രത്തിന്റെ ട്രെയ്‌ലർ ചിരിക്കും, ചിന്തകൾക്കുമപ്പുറം ചിത്രത്തിന്റെ ടൈറ്റിൽ പോലെ തന്നെ ദുരൂഹമായി എന്തൊക്കെയൊ ഉണ്ട് എന്ന തോന്നൽ ഉളവാക്കുന്നു.