ക്രീയേറ്റീവാണ് പവർഫുള്ളാണ്; വ്ലോഗർമാർക്കായി വ്ലോഗ് കാമറ ZV-1F അവതരിപ്പിച്ച് സോണി

വ്ലോഗർമാർക്കായി കാമറ അവതരിപ്പിച്ച് സോണി. വ്ലോഗർമാരെയും ക്രിയേറ്റർമാരെയും ലക്ഷ്യമിട്ടുള്ള പുതിയ ഇസഡ് വി-വൺ എഫ് ഗോടു കാമറയാണ് അവതരിപ്പിച്ചിരിക്കുന്നത്. പോക്കറ്റ് സൈസ് കാമറയായ ഇസഡ് വി-വൺ എഫ് സോണിയുടെ ഏറ്റവും പുതിയ സാങ്കേതികവിദ്യ ഉപയോഗിച്ചാണ് നിർ‌മ്മിച്ചിരിക്കുന്നത്.

അൾട്രാ വൈഡ് ആംഗിൾ 20 എംഎം പ്രൈം ലെൻസാണ് ക്യാമറക്ക്. വ്ലോഗർമാരുടെ പൂർണമായ ഉപയോഗം ലക്ഷ്യമിട്ടാണ് കാമറ ഡിസൈൻ ചെയ്തിരിക്കുന്നത്. ഏകദേശം 229 ഗ്രാം തൂക്കം മാത്രമാണ് ഭാരം. എൽസിഡി ടച്ച് സ്ക്രീനാണ് കാമറക്ക്.

സോഫ്റ്റ് സ്കിൻ ഇഫക്റ്റ് ഓപ്ഷൻ സവിശേഷത ഉള്‍പ്പെടുത്തിയിട്ടുള്ളതിനാല്‍ സ്വാഭാവിക സ്കിൻ ടോൺ സൃഷ്ടിക്കുന്നു. പ്രകാശം മാറുന്ന സാഹചര്യങ്ങളിൽ പോലും മുഖങ്ങൾ ഒപ്റ്റിമൽ തെളിച്ചത്തോടെ പിടിച്ചെടുക്കാനും സാധിക്കും.

ഹൈപ്രിസിഷൻ ഫോക്കസിങ്ങിന് 425 കോൺട്രാസ്റ്റ്ഡിറ്റക്ഷൻ എഎഫ് ഫ്രെയിം പോയിന്റുകൾ കാമറയിലുണ്ട്. വിൻഡ് സ്ക്രീൻ ഫീച്ചർ ഉള്ളതിനാൽ ഉയർന്ന നിലവാരമുള്ള ശബ്ദം റെക്കോഡ് ചെയ്യാനാവും. ഉയർന്ന നിലവാരമുള്ള ഓഡിയോയ്ക്കായി മൂന്ന് ബിൽറ്റ്ഇൻ ഡയറക്ഷണൽ ക്യാപ്സ്യൂൾ മൈക്ക് കാമറയിലുണ്ട്.

പുതിയ വ്ലോഗ് കാമറ സോണിയുടെ പുതിയ സ്മാർട് ഫോൺ ആപ്പായ ഇമേജിങ് എഡ്ജ് മൊബൈൽ പ്ലസിലൂടെ ഉപയോഗിക്കാം.ഉപയോക്താക്കളെ ബ്ലൂടൂത്ത് അല്ലെങ്കിൽ വൈഫൈ വഴി ക്യാമറയിലേക്ക് കണക്റ്റുചെയ്യാനും ചിത്രങ്ങളും വിഡിയോകളും സ്മാർട് ഫോണിലേക്ക് എളുപ്പത്തിൽ കൈമാറാനും ഇത് അനുവദിക്കും.

2023 ഏപ്രിൽ 5 മുതൽ എല്ലാ സോണി സെന്റർ, ആമസോൺ, ഫ്ലിപ്കാര്‍ട്ട് ന്ത്യയിലെ പ്രമുഖ ഇലക്ട്രോണിക് സ്റ്റോറുകൾ എന്നിവയിലുടനീളം ഇസഡ്‌വി-വൺഎഫ് ലഭ്യമാക്കും. 50,690 രൂപയാണ് വില.