അതിജീവനത്തിന്റെ പാലക്കാടൻ മാതൃക: ലോക്ക്ഡൗൺ കാരണം സർവീസ് മുടങ്ങി; ബസ് പച്ചക്കറി സ്റ്റാളാക്കി ജീവനക്കാർ

പാലക്കാട് - മലമ്പുഴ റൂട്ടിൽ ഓടേണ്ട ഇതിഹാസ് ബസ് കുറച്ചു നാളായി പച്ചക്കറി സ്റ്റാളാണ്.

പാലക്കാട് നഗരത്തിലെ  ഒലവക്കോട്- കോയമ്പത്തൂർ  ബൈപ്പാസ് റോഡിന് സമീപമാണ് കച്ചവടം.

ബസിനുള്ളിൽ കയറിയാൽ നല്ല ഗുണനിലാരമുള്ള പച്ചക്കറി വാങ്ങി പോവാം.

ലോക്ക് ഡൗണിനെ തുടർന്ന്  സർവ്വീസ് നിർത്തിവെച്ചതോടെ പ്രതിസന്ധിയിലായ ബസ്  ജീവനക്കാർക്ക് ഇതിഹാസ് ഗ്രൂപ്പിന്റെ ഉടമയായ സജീവ് തോമസാണ്  പുതിയ ആശയം നൽകിയത്.

 അതിനായി ഒരു ബസ് പൂർണമായും വിട്ടുകൊടുത്തു.

ആദ്യം മാമ്പഴക്കച്ചവടം ആയിരുന്നു. പിന്നീട് പച്ചക്കറി വില്പനയായി.

സോഷ്യൽ മീഡിയയുടെ സാധ്യതകൾ ഉപയോഗപ്പെടുത്തിയാണ് വില്പന.

ആവശ്യക്കാർക്ക് പച്ചക്കറി ഉല്പന്നങ്ങൾ വീട്ടിലെത്തിച്ച് നൽകും.

പുതിയ കച്ചവടത്തിൽ ജീവനക്കാരും തൃപ്തരാണ്. സർവ്വീസുകൾ സാധാരണ രീതിയിലേക്ക് മാറിയാലും അതിനൊപ്പം പച്ചക്കറി വില്പനയും  തുടരാൻ തന്നെയാണ് ജീവനക്കാരുടെ തീരുമാനം.