താഴെ വീണ ഫോട്ടോഗ്രാഫറെ സഹായിച്ച് രാഹുൽ

ചിത്രം പകര്‍ത്തുന്നതിനിടെ അടിതെറ്റി വീണ ഫോട്ടോഗ്രാഫറെ എഴുന്നേല്‍പ്പിക്കാന്‍ സഹായിക്കുന്ന കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി.

രാഹുലിന്റെ ചിത്രം പകര്‍ത്താന്‍ ശ്രമിക്കുന്നതിനിടെയായാണ് ഫോട്ടോഗ്രാഫര്‍ പിന്നിലേക്ക് വീണത്.

വെള്ളിയാഴ്ച ഭുവനേശ്വര്‍ വിമാനത്താവളത്തിലായിരുന്നു സംഭവം. വിമാനത്താവളത്തില്‍ നിന്നും പുറത്തേക്ക് വരുന്ന രാഹുലിന്റെ ചിത്രം പകര്‍ത്താന്‍ ശ്രമിച്ച പോട്ടേഗ്രാഫറാണ് പടിക്കെട്ടില്‍ നിന്നും താഴേയ്ക്കു വീണത്.

രാഹുല്‍ ഓടിയെത്തി ഫോട്ടോഗ്രാഫറെ എഴുന്നേല്‍ക്കാന്‍ സഹായിക്കുകയായിരുന്നു.