Beirut Blast | വിവാഹ ഷൂട്ടിനിടെ ഉഗ്രസ്ഫോടനം; ജീവന്‍ രക്ഷിക്കാനോടി വധു

ഇതിൽ വൈറലായ വീഡിയോ ഒരു വധുവിന്‍റെതാണ്. വിവാഹവസ്ത്രമണിഞ്ഞ് കയ്യിൽ പൂക്കളും പിടിച്ച് അതിസുന്ദരിയായി ഫോട്ടോ ഷൂട്ട് നടക്കുന്നതിനിടെയാണ് സ്ഥലത്തെ മുഴുവൻ പ്രകമ്പനം കൊള്ളിച്ച് സ്ഫോടനം ഉണ്ടാകുന്നത്. അവർ നിന്ന സ്ഥലത്തു നിന്നും വളരെ അകലെയാണ് സ്ഫോടനം നടന്നതെങ്കിലും പ്രകമ്പനത്തിൽ കെട്ടിടം മുഴുവൻ കുലുങ്ങുന്നുണ്ട്. ഇതോടെ ഭയചകിതരായ ആളുകൾ ജീവൻ രക്ഷിക്കാൻ ശ്രമിക്കുന്നതാണ് ദൃശ്യങ്ങളിൽ.

വധുവിനെ ആരോ കൈപിടിച്ചു കൊണ്ട് സുരക്ഷിതമായി മറ്റൊരു സ്ഥലത്തേക്ക് എത്തിക്കുന്നു. വെളുത്ത ഗൗൺ ധരിച്ച യുവതി ജീവന്‍ രക്ഷപ്പെടുത്തുന്നതിനായി സുരക്ഷയിലേക്ക് ഓടുന്ന ദൃശ്യങ്ങൾ ഇതിനോടകം വൈറലായി. ലക്ഷക്കണക്കിന് ആളുകളാണ് ഈ വീഡിയോ കണ്ടത്..

ബെയ്റൂട്ടിലെ തുറമുഖ പ്രദേശത്തുണ്ടായ സ്ഫോടനത്തിന്‍റെ ഭീകരത വെളിവാക്കുന്ന വേറെയും പല വീഡിയോകളും വൈറലാകുന്നുണ്ട്.കഴിഞ്ഞ ദിവസം വൈകിട്ടോടെയാണ് ബെയ്റൂട്ടിലെ തുറമുഖ മേഖലയിൽ വമ്പൻ സ്ഫോടനം നടന്നത്.