Ayodhya | 'രാമക്ഷേത്ര നിർമ്മാണത്തോടെ ഇന്ത്യയിൽ 'രാമ രാജ്യം'സ്ഥാപിക്കപ്പെടും'; പ്രത്യാശ പങ്കുവച്ച് ബാബ രാംദേവ്

കോവിഡ് നിയന്ത്രണങ്ങളുടെ പശ്ചാത്തലത്തിൽ വളരെക്കുറച്ച് ആളുകൾക്ക് മാത്രമാണ് തറക്കല്ലിടൽ ചടങ്ങിന് ക്ഷണമുള്ളത്. കഴിഞ്ഞ ദിവസമാണ് ഇതിൽ പങ്കെടുക്കാൻ രാംദേവ് അയോധ്യയിലെത്തിയത്. ചരിത്രപരമായ ദിനമാണ് ഇന്ന് (ആഗസ്റ്റ് 5) എന്നാണ് അദ്ദേഹം പറയുന്നത്. വരും തലമുറകൾ ഈ ദിവസം അഭിമാനത്തോടെ ഓർക്കുമെന്നും കൂട്ടിച്ചേർത്തു. 'സാംസ്കാരിക-സാമ്പത്തിക-രാഷ്ട്രീയ പ്രശ്നങ്ങളുടെ കടന്നു കയറ്റത്തിന് അവസാനം കുറിക്കുന്ന ദിനം കൂടിയാണിന്ന്.. രാമക്ഷേത്ര നിർമ്മാണം രാജ്യത്ത് ഒരു പുതുസംസ്കാരത്തിന് തുടക്കം കുറിക്കുമെന്നും രാംദേവ് വ്യക്തമാക്കി.