Ayodhya | 'രാമക്ഷേത്ര നിർമ്മാണത്തോടെ ഇന്ത്യയിൽ 'രാമ രാജ്യം'സ്ഥാപിക്കപ്പെടും'; പ്രത്യാശ പങ്കുവച്ച് ബാബ രാംദേവ്

അയോധ്യ: രാമക്ഷേത്രം ഉയരുന്നതോടെ ഇന്ത്യയിൽ രാമരാജ്യം സ്ഥാപിക്കപ്പെടുമെന്ന് വിശ്വാസമുണ്ടെന്ന് യോഗ ഗുരു ബാബ രാംദേവ്. രാമക്ഷേത്ര നിർമ്മാണത്തിനായുള്ള തറക്കല്ലിടൽ ചടങ്ങിനായി അയോധ്യയിലെത്തിയ ശേഷം മാധ്യമങ്ങളോട് സംസാരിക്കുമ്പോഴാണ് രാംദേവ് പ്രത്യാശ പങ്കുവച്ചിരിക്കുന്നത്.

'ഇന്ത്യ ഒരു പുതുചരിത്രം കുറിക്കാൻ ഒരുങ്ങുകയാണ്.. ഈ ദിനം നമ്മള്‍‌ ആഘോഷിക്കണം.. രാമക്ഷേത്ര നിർമ്മാണത്തോടെ രാജ്യത്ത് രാമരാജ്യം സ്ഥാപിക്കപ്പെടുമെന്ന് എനിക്ക് ഉറപ്പുണ്ട്' രാംദേവ് പറഞ്ഞതായി എഎൻഐ റിപ്പോർട്ട് ചെയ്യുന്നു.
TRENDING:Ram Mandir bhumi pujan in Ayodhya LIVE Updates| രാമനാമ ജപമുഖരിതമായി അയോധ്യ; രാമക്ഷേത്ര ഭൂമിപൂജ ഇന്ന്[NEWS]Beirut Blast | ബെയ്റൂട്ട് സ്ഫോടനത്തിൽ എഴുപതിലധികം പേർ മരിച്ചെന്ന് റിപ്പോർട്ടുകൾ[NEWS]Sushant Singh Rajput Death | 'വൃത്തികെട്ട രാഷ്ട്രീയം'; സുശാന്ത് സിംഗ് രാജ്പുതിന്‍റെ മരണത്തിൽ തന്‍റെ പേര് വലിച്ചിഴയ്ക്കുന്നതിനെതിരെ ആദിത്യ താക്കറെ[NEWS]

കോവിഡ് നിയന്ത്രണങ്ങളുടെ പശ്ചാത്തലത്തിൽ വളരെക്കുറച്ച് ആളുകൾക്ക് മാത്രമാണ് തറക്കല്ലിടൽ ചടങ്ങിന് ക്ഷണമുള്ളത്. കഴിഞ്ഞ ദിവസമാണ് ഇതിൽ പങ്കെടുക്കാൻ രാംദേവ് അയോധ്യയിലെത്തിയത്. ചരിത്രപരമായ ദിനമാണ് ഇന്ന് (ആഗസ്റ്റ് 5) എന്നാണ് അദ്ദേഹം പറയുന്നത്. വരും തലമുറകൾ ഈ ദിവസം അഭിമാനത്തോടെ ഓർക്കുമെന്നും കൂട്ടിച്ചേർത്തു. 'സാംസ്കാരിക-സാമ്പത്തിക-രാഷ്ട്രീയ പ്രശ്നങ്ങളുടെ കടന്നു കയറ്റത്തിന് അവസാനം കുറിക്കുന്ന ദിനം കൂടിയാണിന്ന്.. രാമക്ഷേത്ര നിർമ്മാണം രാജ്യത്ത് ഒരു പുതുസംസ്കാരത്തിന് തുടക്കം കുറിക്കുമെന്നും രാംദേവ് വ്യക്തമാക്കി.

Today is a historic day. This day will be remembered for long. I am confident that with construction of Ram Temple, 'Ram Rajya' will be established in India: Yog Guru Ramdev at Hanuman Garhi temple in #Ayodhya pic.twitter.com/ftYeZ0s5LY

— ANI UP (@ANINewsUP) August 5, 2020

തറക്കല്ലിടൽ ചടങ്ങിനായെത്തുന്ന പ്രധാനമന്ത്രിയെ അഭിനന്ദിക്കാനും രാംദേവ് മറന്നില്ല.. 'ഇങ്ങനെയൊരു പ്രധാനമന്ത്രിയ ലഭിച്ചത് നമ്മുടെ രാജ്യത്തിന്‍റെ ഭാഗ്യമാണ്.. ഹൈന്ദവധർമ്മത്തിന്‍റെ അഭിമാനം ഉയർത്തിയ വ്യക്തി കൂടിയാണ് രാം-ഹനുമാൻ ഭക്തൻ കൂടിയായ പ്രധാനമന്ത്രി.. എന്നായിരുന്നു വാക്കുകൾ..

Also Read-Ayodhya | അയോധ്യ: ചരിത്രം; കലാപം; വ്യവഹാരം; വിധി; ക്ഷേത്രം; നഗരിയുടെ ചരിതം ചിത്രങ്ങളിലൂടെ