അസമിലാണ് സംഭവം. നാട്ടിലെ ആഴമുള്ള ഇടുങ്ങിയ കുഴിയിൽ ആട് വീണു. ആടിനെ രക്ഷിക്കാൻ കൂടി നിന്നവരിൽ ഒരാൾ കുഴിയിലേക്ക് തലകീഴായി ഇറങ്ങി. ഇയാളുടെ കാലുകൾ രണ്ടും കൂടെയുള്ളവർ പിടിച്ചരിക്കുകയായിരുന്നു. ഏറ്റവും അപകടമേറിയ രക്ഷാപ്രവർത്തനം. എങ്കിലും മിനുട്ടുകൾക്കുള്ളിൽ ആടിനേയുമായി യുവാവ് പുറത്തേക്ക് വന്നു.
You may also like:COVID 19 | 5 പേർക്ക് കൂടി കോവിഡ്; ഡൽഹി ജയിലുകളിൽ രോഗബാധിതർ 45 ആയി [NEWS]Power Bill Shock| ഇലക്ട്രിസിറ്റി ബില്ല് ഷോക്കേറ്റ് തപ്സി പാനുവും; ജൂൺ മാസത്തെ ബില്ല് കണ്ട് കണ്ണു തള്ളി താരം [PHOTO] മറ്റ് സംസ്ഥാനങ്ങളിൽ രോഗം സ്ഥിരീകരിച്ചവരിൽ കേരളത്തിൽ നിന്ന് പോയവരും; ഉറവിടം കണ്ടെത്താന്‍ നിർദേശം [NEWS]
advertisement
അസം എഡിജിപി ഹർദി സിങ് ആണ് ട്വിറ്ററിലൂടെ വീഡിയോ പങ്കുവെച്ചത്. ദേസി സ്റ്റൈൽ ഓഫ് റെസ്ക്യൂ എന്ന് കുറിച്ചാണ് എഡിജിപി വീഡിയോ പങ്കുവെച്ചത്. നിശ്ചദാർഢ്യം, ധൈര്യം, കൂട്ടായ പ്രവർത്തനം, മനക്കരുത്ത് എന്നും അദ്ദേഹം കുറിച്ചു.
അൽപ്പം നെഞ്ചിടിപ്പോടെയല്ലാതെ വീഡിയോ കണ്ട് തീർക്കാനാകില്ല. ഒന്ന് അങ്ങോട്ടോ ഇങ്ങോട്ടോ ആയാൽ കയ്യിൽ നിന്ന് പോകാം. പക്ഷേ, അകത്തേക്ക് പോയ ആൾ ആടുമായിട്ട് തിരിച്ചു കയറുന്ന കാഴ്ച്ച ആശ്വാസകരമാണ്.
ഇതിനകം ഒരു ലക്ഷത്തിന് മുകളിൽ പേരാണ് വീഡിയോ കണ്ടത്. രക്ഷാപ്രവർത്തനം നടത്തിയ യുവാക്കളെ അഭിനന്ദിച്ചുകൊണ്ടുള്ള നിരവധി കമന്റുകളുമുണ്ട്.
ഇത്തരം കുഴികളിൽ കുടുങ്ങി നിരവധി പേർ ദാരുണമായി മരിച്ച സംഭവങ്ങൾ ഉണ്ടെന്നിരിക്കേ മുന്നൊരുക്കങ്ങളില്ലാത്താ ഇത്തരം രക്ഷാപ്രവർത്തനത്തെ പ്രോത്സാഹിപ്പിക്കാനാകില്ലെന്നും ചിലർ കമന്റിൽ പറയുന്നുണ്ട്.