'2020 എനിക്ക് മടുത്തു; തെണ്ടി തെണ്ടി ഞാൻ വെറുത്തു': വൈറലായി നീരജ് മാധവിന്റെ പുതിയ റാപ് സോംഗ്

ഏകദേശം 2020 മുഴുവൻ കൊറോണയ്ക്ക് ഒപ്പമായിരുന്നു നമ്മൾ ചെലവഴിച്ചത്. 2020 അവസാനിച്ച് അടുത്ത വർഷം എത്തിയിട്ടും കൊറോണ മാത്രം എങ്ങോട്ടും പോയില്ല. ഇപ്പോൾ ഇതാ രണ്ടാമത്തെ റാപ് സോംഗുമായി എത്തിയിരിക്കുകയാണ് നീരജ് മാധവ്.

'2020 എനിക്ക് മടുത്തു; തെണ്ടി തെണ്ടി ഞാൻ വെറുത്തു' തുടങ്ങി വാക്കുകൾ അടുക്കിവച്ചുള്ള പുതിയ പാട്ടിന് 'ഫ്ലൈ' എന്നാണ് പേര് നൽകിയിരിക്കുന്നത്. പുതിയ റാപ് സോംഗ് തന്റെ ഫേസ്ബുക്ക് പേജിലൂടെയാണ് നീരജ് മാധവ് പങ്കുവച്ചത്. നിരവധി പേരാണ് ഇതിനോടകം ഈ വീഡിയോ ഷെയർ ചെയ്തിരിക്കുന്നത്.

advertisement

യു ട്യൂബിലും വീഡിയോ ട്രെൻഡിംഗ് ആണ്. നിരവധി പേരാണ് ഈ വീഡിയോ ഇതിനകം തന്നെ ഷെയർ ചെയ്തിരിക്കുന്നത്. നീരജ് മാധവ് തന്നെയാണ് പാട്ട് പാടിയിരിക്കുന്നതും അഭിനനയിച്ചിരിക്കുന്നതും. എൻ ജെ ഫ്ലൈ മ്യൂസിക്കൽ ടീമാണ് ഗാനം നിർമിച്ചിരിക്കുന്നത്. പാട്ടിലെ ചില വരികളും ഇതിനകം ഹിറ്റ് ആയി കഴിഞ്ഞു.