റോയൽ ഷൂട്ടിംഗ് പാർട്ടികൾക്കായി വളർത്തിക്കൊണ്ടുവന്ന പക്ഷികളെ വളർത്തു പൂച്ചകൾ കൊന്നതിനെ തുടർന്നാണ് 2016 ൽ ആദ്യമായി പൂച്ചകൾക്ക് കൊട്ടാര പരിസരത്ത് നിരോധനം ഏർപ്പെടുത്തിയത്. ഇത്രയും ആഢംബരമായ പ്രദേശത്ത് നായ്ക്കളെ പോലും അനുവദിച്ചിട്ടുണ്ട്. എന്നാൽ പൂച്ചകൾക്ക് പരിസരത്ത് അടുക്കാൻ കഴിയില്ല.
നോർഫോക്കിലെ 20,000 ഏക്കർ സാന്ദ്രിംഗ്ഹാം എസ്റ്റേറ്റിലെ ആറ് കിടപ്പുമുറിയുള്ള വീടാണ് വാടകയ്ക്ക് നൽകുന്നത്. 2021ലെ സ്പ്രിംഗ് സമയം മുതൽ പ്രതിമാസം 3,750 ഡോളറിനാകും വാടകയ്ക്ക് ഈ കെട്ടിടങ്ങൾ നൽകുക.
advertisement
രാജകീയ സ്വത്തിന്റെ തന്നെ പ്രദേശങ്ങളിൽപ്പെട്ട സ്ഥലത്ത് നീന്തൽക്കുളവും ടെന്നീസ് കോർട്ടും ഉണ്ട്. പുതിയ വാടകക്കാർ കുറഞ്ഞത് മൂന്ന് വർഷത്തേക്ക് എക്രിമെന്റ് സൈൻ ചെയ്യണമെന്ന് നിർബന്ധമാണ്. ആറ് കിടപ്പുമുറികളും മൂന്ന് ആർട്ടിക് റൂമുകളുമുള്ള കെട്ടിടം ഒരു വലിയ കുടുംബത്തിന് അനുയോജ്യമായ സ്ഥലമായാണ് വിശേഷിപ്പിക്കുന്നത്. കൂടാതെ റിസപ്ഷൻ ഹാൾ, മൂന്ന് റിസപ്ഷൻ റൂമുകൾ, അടുക്കള, ഭക്ഷണ മുറി, യൂട്ടിലിറ്റി റൂം എന്നിവയുണ്ട്.
രാജകുടുംബത്തിന്റെ ആഢംബര സ്വത്തായതിനാൽ തന്നെ വാടകക്കാർ അവർക്ക് അനുയോജ്യരാണെന്ന് ഉറപ്പുവരുത്തും. കുറഞ്ഞത് മൂന്ന് വർഷത്തേക്ക് അവർ ഇവിടെ താമസിക്കുമെന്ന് ഉറപ്പാക്കുകയും ചെയ്യും.