ഒരു അത്ഭുതകുളം; മുങ്ങി കുളിച്ചാൽ എല്ലാ ആ​ഗ്രഹങ്ങളും സഫലമാകുമെന്ന് ബം​ഗാളിലെ വിശ്വാസം

കമോന കുളത്തിലെ ജലത്തിന്റെ ശക്തിയിൽ തങ്ങൾ വിശ്വസിക്കുന്നുവെന്നും അതിന്റെ തീരത്ത് ഹരിചന്ദ് ഗുർചന്ദിന്റെ ക്ഷേത്രം സ്ഥാപിക്കപ്പെട്ടത് കുളത്തിന്റെ പ്രാധാന്യം കണക്കിലെടുത്താണ് എന്നും പ്രദേശവാസികൾ പറയുന്നു. കുളത്തിന്റെ പ്രശസ്തി പിന്നീട് പലയിടത്തും വ്യാപിച്ചു. ഡോക്ടർമാർ പോലും തോറ്റിടത്ത് ഈ കുളത്തിലെ വെള്ളം അത്ഭുതങ്ങൾ വർഷിച്ചിട്ടുണ്ടെന്നും പ്രദേശവാസികൾ പറയുന്നു. വർഷങ്ങളോളം ഗർഭിണിയാകാതിരുന്ന ഒരു സ്ത്രീ കുളത്തിൽ മുങ്ങി ഏതാനും മാസങ്ങൾക്കുള്ളിൽ ഗർഭിണിയായതിന്റെ ഉദാഹരണവും ഇവർ ചൂണ്ടിക്കാട്ടി.

Also Read- ജനപ്രിയമായി ‘ഒച്ച് കറി’; മാരക രോഗങ്ങൾ സുഖപ്പെടുത്തുമെന്ന് ആന്ധ്രയിലെ വിശ്വാസം!

advertisement

എല്ലാ വർഷവും പല പ്രായത്തിലും വിഭാഗങ്ങളിലും ഉള്ള ആളുകൾ ആ​ഗ്രഹ സഫലീകരണത്തിനായി ഇവിടെ എത്താറുണ്ട്. രാവിലെ മുതൽ രാത്രിവരെ ഇവിടെ ആളുകളുടെ തിരക്കാണ്. അകലെയുള്ള സുന്ദർബൻസിൽ നിന്നുള്ള നവദമ്പതികൾ പോലും അവരുടെ ആഗ്രഹങ്ങൾ പറഞ്ഞു പ്രാർത്ഥിക്കാൻ ഇവിടെ എത്താറുണ്ട്.

Also Read- പശ്ചിമ ബംഗാളിലെ ഈ സ്‌കൂളിന് ഞായറാഴ്ച പ്രവൃത്തി ദിനം; തിങ്കളാഴ്ച അവധി; 101 വർഷമായി പിന്തുടരുന്ന നിയമത്തിന് പിന്നിൽ

കുളത്തിനോടു ചേർന്നുള്ള ക്ഷേത്രത്തിൽ ഭക്തർ ഒത്തുകൂടുകയും കിച്ചൂരി എന്ന വിഭവം (പല തരം പച്ചക്കറികൾ കൊണ്ട് ഉണ്ടാക്കുന്നത്) പ്രസാദമായി വിതരണം ചെയ്യുകയും ചെയ്യാറുണ്ട്. മൊത്തത്തിൽ ഈ പ്രദേശമാകെ ഒരു ഉൽസവ പ്രതീതിയാണ്. നിരവധി ഭക്തർ അവരുടെ പ്രാർത്ഥനകൾ ഫലിച്ചതിന്റെ കഥകൾ പങ്കിടുകയും ചെയ്യുന്നുണ്ട്.

”ഞാൻ ഈ കുളത്തിൽ മുങ്ങിപ്രാർത്ഥിച്ച കാര്യങ്ങളെല്ലാം എന്റെ ജീവിതത്തിൽ സംഭവിച്ചു. എന്റെ മൂത്ത മകൾക്കും ഇളയ മകൾക്കും വേണ്ടി ഞാൻ പ്രാർത്ഥിച്ചിരുന്നു. അവർ ഇപ്പോൾ സന്തോഷത്തോടെയും ആരോഗ്യത്തോടെയും ഇരിക്കുന്നു”, കമോന കുളത്തിൽ പ്രാർത്ഥിക്കാനായി എത്തിയ ഭക്തരിൽ ഒരാളായ സ്വാതി ബേപാരി പറഞ്ഞു.