പശ്ചിമ ബംഗാളിലെ ഈ സ്കൂളിന് ഞായറാഴ്ച പ്രവൃത്തി ദിനം; തിങ്കളാഴ്ച അവധി; 101 വർഷമായി പിന്തുടരുന്ന നിയമത്തിന് പിന്നിൽ
- Published by:Naseeba TC
- news18-malayalam
Last Updated:
101 വര്ഷമായി പിന്തുടരുന്ന രീതിക്കു പിന്നിലെ ചരിത്രം
മിക്ക സ്കൂളുകളും പൊതുവെ തിങ്കള് മുതല് ശനി വരെ ആഴ്ചയില് ആറ് ദിവസം തുറന്ന് പ്രവര്ത്തിച്ച് ഞായറാഴ്ചകളില് അടച്ചിടുകയാണ് പതിവ്. എന്നാല് പശ്ചിമ ബംഗാളിലെ ഈസ്റ്റ് ബര്ധമാനിലെ ഈ സ്കൂള് തികച്ചും വ്യത്യസ്തമാണ്. തിങ്കളാഴ്ചകളില് അവധിയും പകരം ഞായറാഴ്ചകളില് തുറന്ന് പ്രവൃത്തിക്കുകയും ചെയ്യും. ഈസ്റ്റ് ബര്ധമാനിലെ ജമാല്പൂര് ബ്ലോക്കില് സ്ഥിതി ചെയ്യുന്ന ഗോപാല്പൂര് മുക്തകേശി വിദ്യാലയം കഴിഞ്ഞ 101 വര്ഷമായി ഈ രീതി പിന്തുടര്ന്നുവരികയാണ്. ഇതിന് പിന്നിലൊരു ചരിത്രമുണ്ട്.
‘ഗാന്ധിജിയുടെ നേതൃത്വത്തില് നിസ്സഹകരണ പ്രസ്ഥാനം രാജ്യത്തുടനീളം വ്യാപിച്ചു, ആ നിസ്സഹകരണ പ്രസ്ഥാനത്തിന്റെ പ്രധാന തത്വം വിദേശ സാധനങ്ങള് ബഹിഷ്കരിക്കുക, വിദേശ വിദ്യാഭ്യാസ സ്ഥാപനങ്ങള് ബഹിഷ്കരിക്കുക, വിദേശ ഭാഷാ ബഹിഷ്കരണം, കൂടാതെ തദ്ദേശീയ വസ്തുക്കളുടെ ഉപയോഗം, തദ്ദേശീയ വിദ്യാഭ്യാസ സമ്പ്രദായം പ്രോത്സാഹിപ്പിക്കുക എന്നിവയാണ്’ – സ്കൂള് ഹെഡ്മാസ്റ്റര് ദേബബ്രത മുഖര്ജി പറഞ്ഞു.
Also Read- ജനപ്രിയമായി ‘ഒച്ച് കറി’; മാരക രോഗങ്ങൾ സുഖപ്പെടുത്തുമെന്ന് ആന്ധ്രയിലെ വിശ്വാസം!
ഗാന്ധിജിയുടെ നിസ്സഹകരണ പ്രസ്ഥാനത്തിന്റെ പ്രത്യയശാസ്ത്രത്തില് വിശ്വസിച്ച ഈ ഗ്രാമത്തിലെ പ്രശസ്തനായ വ്യക്തി സ്വദേശി പ്രത്യയശാസ്ത്രത്തിന്റെ അടിസ്ഥാനത്തിലാണ് ഈ വിദ്യാലയം സ്ഥാപിച്ചത്. ഞായറാഴ്ചകളില് ഇംഗ്ലീഷുകാര് അവരുടെ സ്ഥാപനങ്ങള് അടച്ചിടുന്നതിനാല്, സ്വദേശി പ്രവണത നിലനിര്ത്താന് അദ്ദേഹം ഞായറാഴ്ചകളില് സ്കൂളുകള് തുറന്ന് പ്രവര്ത്തിപ്പിച്ച് പകരം തിങ്കളാഴ്ചകളില് അവധി നല്കി. അന്നു മുതല് ഇവിടെ ഈ രീതി പിന്തുടരുന്നതായി ഹെഡ്മാസ്റ്റര് പറഞ്ഞു.
advertisement
ഭൂഷണ് ചന്ദ്ര ഹാല്ദര്, അവിനാഷ് ചന്ദ്ര ഹാല്ദര് എന്നിവരാണ് ഈ വിദ്യാലയം സ്ഥാപിച്ചത്. സ്കൂള് സ്ഥാപിക്കാനുള്ള മുന്കൈ എടുത്തത് അവിനാഷ് ചന്ദ്ര ഹാല്ദാറായിരുന്നു. അദ്ദേഹത്തിന്റെ വഴികാട്ടി ഭൂഷണ് ചന്ദ്ര ഹാല്ദറായിരുന്നു. രാജബല്ലഭ് കുമാറും വിജയകൃഷ്ണ കുമാറുമാണ് സാമ്പത്തികമായി സഹായിക്കാന് മുന്നോട്ടെത്തിയത്. ഇവര് മുന്കൈയെടുത്താണ് ഈ സ്കൂള് നിര്മ്മിച്ചത്. 1922 ജനുവരി 5 നാണ് ഈ സ്കൂള് സ്ഥാപിതമായത്. നിലവില് ഈ സ്കൂളില് 972 കുട്ടികള് പഠിക്കുന്നുണ്ട്.advertisement
‘ഞായറാഴ്ചകളില് സ്കൂളില് വരുന്നത് എനിക്ക് ഇഷ്ടമാണ്, ഒപ്പം എന്റെ എല്ലാ സുഹൃത്തുക്കളും എന്നോടൊപ്പം വരുന്നുണ്ട്’ -സ്കൂളിലെ പത്താം ക്ലാസ് വിദ്യാര്ത്ഥിയായ ആതിഫ് മല്ലിക് പറയുന്നു.
Also Read- 90 ആനകളുടെ വലിപ്പമുള്ള ഛിന്നഗ്രഹം നാളെ ഭൂമിക്കടുത്തെത്തുമെന്ന് റിപ്പോർട്ട്
തിങ്കളാഴ്ച അവധിയായതിനാല് ഒരുപാട് ഗുണങ്ങളുണ്ട്, സര്ക്കാര് കാര്യങ്ങള് എന്തെങ്കിലും ഉണ്ടെങ്കില് തിങ്കളാഴ്ച ചെയ്യാന് സാധിക്കും, എന്നാല് ഞായറാഴ്ച അവധിയാണെങ്കില് ആ ജോലി ചെയ്യാന് സാധിക്കില്ലെന്ന് വിദ്യാര്ത്ഥികളും അധ്യാപകരും പറയുന്നു. 101 വര്ഷം പഴക്കമുള്ള ഈ സ്കൂളില്, അധ്യാപകര് മുതല് വിദ്യാര്ത്ഥികള് വരെ, എല്ലാവരും ഈ നിയമം ഒരുപോലെ പാലിക്കുന്നുണ്ട്.
advertisement
എന്നാല് ആദ്യം ഈ നിയമത്തിനോട് എതിര്പ്പ് പ്രകടിപ്പിച്ചെങ്കിലും ചരിത്രമറിഞ്ഞതോടെ സംസ്ഥാന സര്ക്കാര് ഇത് പിന്തുടരാന് അനുവദിക്കുകയായിരുന്നു.
Click here to add News18 as your preferred news source on Google. ജീവിതശൈലിയുടെ മാറ്റങ്ങൾ ആരോഗ്യം, ആഹാരം, സംസ്കാരം എല്ലാം അറിയാൻ News18 മലയാളത്തിനൊപ്പം വരൂ
Location :
West Bengal
First Published :
Apr 05, 2023 6:51 PM IST
മലയാളം വാർത്തകൾ/ വാർത്ത/Life/
പശ്ചിമ ബംഗാളിലെ ഈ സ്കൂളിന് ഞായറാഴ്ച പ്രവൃത്തി ദിനം; തിങ്കളാഴ്ച അവധി; 101 വർഷമായി പിന്തുടരുന്ന നിയമത്തിന് പിന്നിൽ
