വില്പനയ്ക്കായി വള്ളത്തിൽ സൂക്ഷിച്ച കഞ്ചാവുമായി യൂട്യൂബർ അറസ്റ്റിൽ

ജില്ലാ പോലീസ് മേധാവിക്ക് ലഭിച്ച രഹസ്യവിവരത്തെത്തുടർന്ന് ഡൻസാഫ് (DANSAF) സംഘവും തലയോലപ്പറമ്പ് പോലീസും സംയുക്തമായാണ് പരിശോധന നടത്തിയത്. ഞായറാഴ്ച രാവിലെ പത്ത് മണിയോടെ കടവിൽ കെട്ടിയിട്ടിരുന്ന വള്ളത്തിലേക്ക് കയറാൻ എത്തിയപ്പോഴാണ് അഭിജിത്തിനെ പോലീസ് വളഞ്ഞത്. വള്ളത്തിനുള്ളിൽ രഹസ്യമായി ഒളിപ്പിച്ചു വെച്ച നിലയിലായിരുന്നു കഞ്ചാവ്.

ചെറിയ വള്ളത്തിൽ യാത്ര ചെയ്ത് ചൂണ്ടയിട്ട് മീൻപിടിക്കുന്ന ദൃശ്യങ്ങൾ പകർത്തി സോഷ്യൽ മീഡിയയിൽ പോസ്റ്റ് ചെയ്യുന്നത് അഭിജിത്തിന്റെ പതിവായിരുന്നു. എന്നാൽ ഈ മീൻപിടുത്തം കഞ്ചാവ് വില്പനയ്ക്കുള്ള മറയായിരുന്നുവെന്ന് പോലീസ് പറയുന്നു. യുവതികൾ ഉൾപ്പെടെയുള്ള ആവശ്യക്കാർക്ക് എത്തിച്ചു നൽകാനായി കരുതിയിരുന്ന കഞ്ചാവാണ് പിടിച്ചെടുത്തത്. പ്രതിക്കെതിരെ തലയോലപ്പറമ്പ് പോലീസ് കേസെടുത്തു.

advertisement