'പുരുഷാധിപത്യത്തെ തകർക്കണം' അറസ്റ്റിനൊപ്പം വൈറലായി റിയ ചക്രവർത്തിയുടെ ടി-ഷർട്ടും

'റോസാപൂക്കൾ ചുവപ്പാണ്, വയലറ്റുകൾ നീലയാണ്, നമുക്ക് പുരുഷാധിപത്യത്തെ തകർക്കാം, ഞാനും നീയും' - ചൊവ്വാഴ്ച നാർകോടിക് കൺട്രോൾ ബ്യൂറോയുടെ മുമ്പിൽ ഹാജരാകാൻ എത്തിയ റിയ ധരിച്ച ടി-ഷർട്ടിലെ വാചകങ്ങളാണ് ഇത്.

You may also like:അലനും താഹയ്ക്കും എൻഐഎ കോടതി ജാമ്യം അനുവദിച്ചു [NEWS]Gold Smuggling Case| ഇടനിലക്കാരായ അ‍ഞ്ച് പേരെ കൂടി പ്രതി ചേർത്ത് NIA [NEWS] കങ്കണ റണൗട്ടിന്റെ ബംഗ്ലാവ് പൊളിച്ചു; മുംബൈ കോര്‍പ്പറേഷനെതിരെ നടി ഹൈക്കോടതിയില്‍‍ [NEWS]

advertisement

അതേസമയം, ഗൂഗിളിൽ റിയ ചക്രവർത്തിക്കായുള്ള തിരച്ചിലിനൊപ്പം തന്നെ പാട്രിയാർക്കി (പുരുഷാധിപത്യം) എന്ന വാക്കിന്റെ അർത്ഥം തിരയലും ആരംഭിച്ചു. ഗോവ, മഹാരാഷ്ട്ര, ഉത്തരാഖണ്ഡ്, ഡൽഹി, ചണ്ഡിഗഡ് എന്നീ സംസ്ഥാനങ്ങളിൽ നിന്നുൾപ്പെടെ രാജ്യത്തിന്റെ വിവിധ ഭാഗങ്ങളിൽ നിന്നുള്ള ആളുകൾ ഗൂഗിളിൽ പാട്രിയാർക്കിയുടെ അർത്ഥം തേടിയെത്തി.

അതേസമയം, ജനപ്രിയ ഓൺലൈൻ വസ്ത്ര, ആക്സസറീസ് കമ്പനിയായ ദ സോൾഡ് സ്റ്റോറിന്റെ പ്രചരണത്തിന്റെ ഭാഗമായുള്ളതാണ് ടി-ഷർട്ട്. സോൾഡ് സ്റ്റോർ ഗിവ് ഹെർ ഫൈവുമായി ചേർന്നാണ് ഈ പ്രചരണം സംഘടിപ്പിക്കുന്നത്. ലിമിറ്റഡ് എഡിഷൻ ടി-ഷർട്ട് മാത്രമാണ് ഇവർ ഇറക്കിയിരിക്കുന്നത്. സോൾഡ് സ്റ്റോറിന്റെ ഔദ്യോഗിക പ്രചരണ പേജിലാണ് ഇക്കാര്യം വ്യക്തമാക്കിയിരിക്കുന്നത്.

ഇന്ത്യയിലെ ഗ്രാമപ്രദേശങ്ങളിലുള്ള സ്ത്രീകൾക്ക് ആർത്തവകാലത്തെ സുരക്ഷിതമായ ശുചിത്വ പരിഹാരമാർഗങ്ങൾ എത്തിക്കുന്നത് ലക്ഷ്യം വെച്ച് പ്രവർത്തിക്കുന്ന ഒരു സാമൂഹിക സംരംഭമാണ് സോൾഡ് സ്റ്റോറുമായി ചേർന്ന് പ്രവർത്തിക്കുന്ന ഗിവ് ഹെർ ഫൈവ് എന്ന എൻ ജി ഒ. വീണ്ടും ഉപയോഗിക്കാവുന്ന തരത്തിലുള്ള സാനിറ്ററി നാപ്കിനുകൾ അവർ വിതരണം ചെയ്യുന്നുണ്ട്. കൂടാതെ വർക് ഷോപ്പുകളും സംഘടിപ്പിക്കുന്നുണ്ട്. സ്കൂളിൽ പോകുന്നതിനും ജോലിക്കു പോകുന്നതിനും സ്ത്രീകൾക്ക് തുല്യാവകാശം ഉറപ്പു വരുത്തുന്നതിന് ഗവേഷണങ്ങളും സംഘടിപ്പിക്കുന്നു.

സോൾട് സ്റ്റോറിന്റെ ടി- ഷർട്ട് കാമ്പയിനിൽ നടൻമാരായ രാഹുൽ ബോസ്, ദിയ മിർസ, സാമുഹ്യമാധ്യമങ്ങളിലെ താരങ്ങളായ മിസ്സ് മാലിനി, തൻമയ് ഭട്ട്, അനന്യ ജോഹർ എന്നിവരും പങ്കെടുത്തിരുന്നു. നിലവിൽ റിയ ചക്രവർത്തി നാർകോടിക് കൺട്രോൾ ബ്യൂറോയുടെ നിരീക്ഷണത്തിലാണ്.