Bineesh Kodiyeri | 'മീൻ കറിയും ഫ്രൈയും വേണം'; ബിനീഷ് കോടിയേരിയെ കണ്ടശേഷം അഭിഭാഷകൻ

ഉദ്യോഗസ്ഥരുടെ സാന്നിധ്യത്തിൽ നടന്ന കൂടിക്കാഴ്ചയിൽ ബിനീഷ് പറഞ്ഞ വിവരങ്ങളെല്ലാം ഇ.ഡി രേഖപ്പെടുത്തിയെന്ന് രഞ്ജിത് ശങ്കർ മാധ്യമങ്ങളോട് പറഞ്ഞു. കക്ഷിക്ക് സ്വതന്ത്രമായി അഭിഭാഷകനെ കാണാനുള്ള അവകാശം നിഷേധിച്ചു. വീട്ടുകാരുമായി കൂടിക്കാഴ്ചയ്ക്ക് അവസരം ചോദിച്ചെങ്കിലും ഫോണിലൂടെ സംസാരിക്കുന്നത് പരിഗണിക്കാമെന്ന് ഇ.ഡി പറഞ്ഞതായും അഭിഭാഷകൻ മാധ്യമങ്ങളോട് പറഞ്ഞു.

ഉദ്യോഗസ്ഥരുടെ സാന്നിധ്യത്തിൽ സംസാരിച്ചതിനാൽ ബിനീഷിനോട് മോശമായി പെരുമാറിയോ എന്നത് ചോദിച്ചറിയാൻ കഴിഞ്ഞില്ല. മീൻ കറിയും ഫ്രൈയും വേണമെന്ന് ബിനീഷ് ആവശ്യപ്പെട്ടു. നാളെ വൈകുന്നേരം അഞ്ചിനും എട്ടിനും ഇടയിൽ വീണ്ടും കൂടിക്കാഴ്ചയ്ക്ക് അവസരമുണ്ടെന്നും അഭിഭാഷകൻ പറഞ്ഞു.

advertisement