TRENDING:
ജസ്റ്റിസ് സബ്യസാച്ചി ബട്ടാചാര്യയുടേതാണ് വിധി. ശീതീകരിച്ച നിലയിലുള്ള ബീജം ശേഖരിക്കാന് അനുമതി തേടിയാണ് പിതാവ് കോടതിയെ സമീപിച്ചത്. 2020 മാര്ച്ചിലാണ് അച്ഛന് ഹൈക്കോടതിയെ സമീപിച്ചത്. ഏകമകന്റെ ബീജം സംരക്ഷിക്കപ്പെടാതെ വന്നാല് കുലം നശിച്ചുപോകുമെന്ന് അച്ഛന് ഭയപ്പെടുന്നതായി ഹര്ജിയില് വ്യക്തമാക്കുന്നു.
Also Read അമേരിക്കൻ പ്രസിഡന്റ് ഏറ്റവും ശക്തമായ അധികാര പദവി; ശമ്പളവും മറ്റ് ആനുകൂല്യങ്ങളും അറിയാം
എന്നാല് മകന്റെ ബീജം സൂക്ഷിക്കാന് അനുവദിക്കണമെന്ന് അപേക്ഷിക്കാന് അച്ഛന് മൗലികാവകാശം ഇല്ലെന്ന് ചൂണ്ടിക്കാട്ടിയാണ് ഹര്ജി തള്ളിയത്. ഭാര്യയ്ക്ക് മാത്രമാണ് ഇതില് അവകാശം. അച്ഛനും മകനുമാണ് എന്ന് കരുതി മകന് സന്തതി പരമ്പര ഉണ്ടാകണമെന്ന് അവകാശപ്പെടാന് അച്ഛന് കഴിയില്ലെന്നും ഹൈക്കോടതി ഉത്തരവില് പറയുന്നു. ഡല്ഹി സര്വകലാശാലയില് നിന്ന് ഡോക്ടറേറ്റ് എടുത്ത മകന് കല്യാണത്തിന് ശേഷം പശ്ചിമബംഗാളിലേക്ക് പോയി. അവിടെ കോളജില് പഠിപ്പിക്കുന്നതിനിടെയാണ് മകന് മരിച്ചത്.
advertisement
മകന്റെ മരണത്തിന് പിന്നാലെയാണ് അച്ഛന് ഡല്ഹിയിലെ ബീജ ബാങ്കിനെ സമീപിച്ചത്. കരാര് സമയത്ത് മകന്റെ ബീജം അനുവാദമില്ലാതെ നശിപ്പിക്കരുതെന്ന് ആവശ്യപ്പെട്ട് അച്ഛന് ബീജബാങ്കിന് കത്തയച്ചു. എന്നാല് 2019ല് വിവാഹം നടന്നു എന്ന് വ്യക്തമാക്കുന്ന തെളിവ് ഹാജരാക്കാന് ഡല്ഹി ആശുപത്രി ആവശ്യപ്പെട്ടു. ഇതിന്റെ ഭാഗമായി മരുമകളോട് എന്ഒസി ആവശ്യപ്പെട്ടപ്പോള് തന്നില്ല എന്നതാണ് ഹര്ജിയില് പറയുന്നത്.
Click here to add News18 as your preferred news source on Google.