Northeast Delhi Riots | JNU മുൻ വിദ്യാർത്ഥി ഉമർ ഖാലിദിനെ പൊലീസ് ചോദ്യം ചെയ്തു

സൺലൈറ്റ് കോളനി പൊലീസ് ഓഫീസിൽ എത്തിയ ഉമർ ഖാലിദ് അന്വേഷണവുമായി സഹകരിച്ചു. രണ്ട് മണിക്കൂറോളം ഉമർ ഖാലിദിനെ ചോദ്യം ചെയ്തതായി മുതിർന്ന പൊലീസ് ഉദ്യോഗസ്ഥൻ വ്യക്തമാക്കി.

കലാപവുമായി ബന്ധപ്പെട്ട മറ്റൊരു കേസിൽ നേരത്തെ ഉമർ ഖാലിദിന് എതിരെ മറ്റൊരു കേസ് രജിസ്റ്റർ ചെയ്തിരുന്നു. കലാപത്തിന് പിന്നിലെ ഗൂഢാലോചനയുമായി ബന്ധപ്പെട്ട് നേരത്തെ ഡൽഹി പൊലീസിലെ സ്പെഷ്യൽ സെല്ലും അദ്ദേഹത്തെ ചോദ്യം ചെയ്തിരുന്നു.

ഉമർ ഖാലിദിന്റെ മൊബൈൽ ഫോണും പൊലീസ് പിടിച്ചെടുത്തിരുന്നു. പൗരത്വ നിയമഭേദഗതിയുമായി ബന്ധപ്പെട്ടുണ്ടായ സംഘർഷങ്ങളാണ് ഫെബ്രുവരി 24ൽ വടക്കുകിഴക്കൻ ഡൽഹിയിൽ കലാപത്തിന് കാരണമായത്.