പിണറായി: കോഴി പ്രസവിച്ചു എന്ന വാർത്ത സാധാരണഗതിയിൽ ആർക്കും വിശ്വസിക്കാൻ കഴിയില്ല. എന്നാൽ, കണ്ണൂർ പിണറായിയിൽ ഒരു കോഴി പ്രസവിച്ചു.
2/ 5
കെ.എസ് സിബി ജീവനക്കാരനായ പുഷ്പനും ഭാര്യ രജിനയും വളർത്തുന്ന കോഴിയാണ് പ്രസവിച്ചത്. ബീഡി തൊഴിലാളി ക്ഷേമനിധി ബോർഡ് വഴിയാണ് രജിനയ്ക്ക് കോഴിക്കുഞ്ഞുങ്ങളെ ലഭിച്ചത്.
3/ 5
കഴിഞ്ഞ മാർച്ചിലാണ് നൂറ് കോഴിക്കുഞ്ഞുങ്ങളെ വീട്ടിൽ എത്തിച്ചത്. അതിൽ ഭൂരിഭാഗവും അസുഖം വന്നു ചത്തു പോയി. അവശേഷിക്കുന്ന 30 കോഴികളിൽ ഒന്നാണ് കഴിഞ്ഞദിവസം പ്രസവിച്ചത്. ഒരുമാസം മുമ്പാണ് കോഴികൾ മുട്ടയിടാൻ ആരംഭിച്ചത്.
4/ 5
പ്രസവത്തിലൂടെ പുറത്തുവന്നത് വായും കാലും ഒക്കെയുള്ള ജീവനില്ലാത്ത ഒരു രൂപമായിരുന്നു. എന്നാൽ കൊക്ക് ഉണ്ടായിരുന്നില്ല. പ്രസവത്തോടെ കോഴി മരിക്കുകയും ചെയ്തു.
5/ 5
കോഴി പ്രസവിച്ചു എന്നറിഞ്ഞതോടെ നാട്ടുകാർ ആകെ അത്ഭുതപെട്ടിരിക്കുകയാണ്. കൂടുതൽ പരിശോധനയ്ക്കായി കോഴിയുടെ ജഡം മൃഗസംരക്ഷണ വകുപ്പിന് കൈമാറും.
