Kannur leaders| ഭരണം; പാർട്ടി; മുന്നണി; പ്രതിപക്ഷം; രാഷ്ട്രീയ താക്കോൽ സ്ഥാനങ്ങൾ കണ്ണൂരിന്

Also Read- Kannur| ഒന്നല്ല.. രണ്ടല്ല...കണ്ണൂരിന് എംപിമാർ ഒമ്പത്; രാഷ്ട്രീയ കേരളത്തിലെ നമ്പർ വൺ ജില്ല

സിപിഎമ്മില്‍ മാത്രമല്ല കോണ്‍ഗ്രസ് രാഷ്ട്രീയത്തിന്‍റെയും സംസ്ഥാനത്തെ അമരക്കാരനും കണ്ണൂരുകാരൻ തന്നെ. കെപിസിസി അധ്യക്ഷൻ കെ സുധാകരൻ മാത്രമല്ല, എഐസിസിയുടെ സംഘടനാ ചുമതലയുള്ള ജനറൽ സെക്രട്ടറി കെ സി വേണുഗോപാലും കണ്ണൂരില്‍ നിന്നുള്ളതാണ്. കെ സുധാകരൻ, വി മുരളീധരൻ, എം കെ രാഘവന്‍, കെ സി വേണുഗോപാല്‍, ജോണ്‍ ബ്രിട്ടാസ്, ഡോ.വി ശിവദാസ്, അഡ്വ.പി സന്തോഷ് കുമാര്‍, കെ മുരളീധരൻ, രാജ്മോഹൻ ഉണ്ണിത്താൻ എന്നിവരും കണ്ണൂരുമായി ബന്ധമുള്ള പാർലമെന്റംഗങ്ങളാണ്.

advertisement

Also Read- CPM | പി.ശശി വീണ്ടും മുഖ്യമന്ത്രിയുടെ പൊളിറ്റിക്കൽ സെക്രട്ടറിയാകും; പുത്തലത്ത് ദിനേശന്‍ ദേശാഭിമാനി പത്രാധിപര്‍

തുടർ ഭരണമെന്ന നേട്ടവുമായി കണ്ണൂർ ജില്ലക്കാരാനായ പിണറായി വിജയൻ സർക്കാരിനെ നയിക്കുമ്പോൾ ഇടവേളയ്ക്ക് ശേഷം വീണ്ടും പാർട്ടിയുടെ അമരത്തേക്ക് കോടിയേരി ബാലകൃഷ്ണൻ എത്തുകയായിരുന്നു. ഇടതുമുന്നണി കൺവീനറായി ഇ പി ജയരാജൻ കൂടി എത്തുന്നതോടെ മുന്നണിയുടെ നേതൃത്വവും കണ്ണൂരിൽ നിന്നുള്ള നേതാവിലേക്ക് എത്തുന്നു. നിലവില്‍ മുഖ്യമന്ത്രിയുടെ പ്രൈവറ്റ് സെക്രട്ടറി കണ്ണൂരുകാരനായ മുൻ എം പി കെ കെ രാഗേഷാണ്. എകെജി സെന്‍ററിലെ സെക്രട്ടറി കണ്ണൂരുകാരന്‍ ബിജു കണ്ടകൈയും. മുഖ്യമന്ത്രിയുടെ പുതിയ പൊളിറ്റിക്കല്‍ സെക്രട്ടറിയായി പി ശശി കൂടി എത്തുന്നതോടെ കണ്ണൂരിന്റെ അപ്രമാദിത്വത്തിനാകും ഇനി രാഷ്ട്രീയ കേരളം സാക്ഷ്യം വഹിക്കുക.

സിപിഎമ്മിലും കോണ്‍ഗ്രസിലും മാത്രമല്ല, കണ്ണൂരിന്റെ അപ്രമാദിത്വമുള്ളത്. ബിജെപി അഖിലേന്ത്യാ ഉപാധ്യക്ഷന്‍ എ പി അബ്ദുള്ളക്കുട്ടിയും ദേശീയ നിര്‍വാഹക സമിതി അംഗം പി കെ കൃഷ്ണദാസും കണ്ണൂരുകാർ തന്നെ.