സംസ്ഥാനത്തെ 14 ജില്ലകളിലെ 244 കേന്ദ്രങ്ങളിലാണ് വോട്ടെണ്ണുന്നത്. തദ്ദേശ തിരഞ്ഞെടുപ്പിൽ ഗ്രാമ, ബ്ലോക്ക്, ജില്ലാ പഞ്ചായത്തുകളുടെ വോട്ടെണ്ണൽ ഒരേസമയം ഒരു മേശയിൽ നടക്കും
2026ൽ നടക്കുന്ന നിയമസഭാ തിരഞ്ഞെടുപ്പിന്റെ സെമിഫൈനൽ പോരാട്ടമായ തദ്ദേശ തിരഞ്ഞെടുപ്പില് ആരുനേടുമെന്ന ആകാംക്ഷയിൽ കേരളം. വോട്ടെണ്ണല് രാവിലെ 8 മണിയോടെ തുടങ്ങി. തപാൽ വോട്ടുകള് ആദ്യമെണ്ണും. ആദ്യഫലം രാവിലെ 8.30നും പൂർണഫലം ഉച്ചയോടെയും ലഭ്യമാകും. സംസ്ഥാനത്തെ 14 ജില്ലകളിലെ 244 കേന്ദ്രങ്ങളിലാണ് വോട്ടെണ്ണുന്നത്. ജില്ലാ പഞ്ചായത്തിലേക്കുള്ള തപാല് ബാലറ്റുകള് കളക്ടറേറ്റുകളില് കളക്ടര്മാരുടെ നേതൃത്വത്തില് എണ്ണും. തദ്ദേശ തിരഞ്ഞെടുപ്പിൽ ഗ്രാമ, ബ്ലോക്ക്, ജില്ലാ പഞ്ചായത്തുകളുടെ വോട്ടെണ്ണൽ ഒരേസമയം ഒരു മേശയിൽ നടക്കും. ഒരേ ഇലക്ട്രോണിക് വോട്ടിങ് യന്ത്രത്തിന്റെ കൺട്രോൾ യൂണിറ്റിലാണ് 3 ഫലങ്ങളും. ഗ്രാമപ്പഞ്ചായത്തിലെ ഒരു വാർഡിൽ ഉൾപ്പെടുന്ന മുഴുവൻ ബൂത്തുകളുടെയും വോട്ടെണ്ണൽ ഒരു മേശയിൽ കൗണ്ടിങ് സൂപ്പർവൈസറുടെ മേൽനോട്ടത്തിൽ നടക്കും. ഒന്നാം വാർഡ് മുതൽ എന്ന ക്രമത്തിൽ യൂണിറ്റുകൾ മേശയിൽ എത്തിക്കും. രണ്ടു ഘട്ടങ്ങളിലായി നടത്തിയ തിരഞ്ഞെടുപ്പിൽ ആകെ 73.69 ശതമാനം പേരാണ് വോട്ട് ചെയ്തത്. 2.10 കോടിയലധികം പേരാണ് വോട്ട് രേഖപ്പെടുത്തിയത്. ഫലം ട്രെൻഡിൽലീഡ് നിലയും ഫലവും തിരഞ്ഞെടുപ്പ് കമ്മിഷന്റെ വെബ്സൈറ്റിലെ ട്രെൻഡ് ലിങ്കിലൂടെ തത്സമയം അറിയാം. https://trend.sec.kerala.gov.in https://lbtrend.kerala.gov.in https://trend.kerala.nic.in എന്നീ ലിങ്കുകളിലും ഫലം ലഭ്യമാണ്.
തദ്ദേശ തിരഞ്ഞെടുപ്പ്
advertisement
December 13, 20258:38 AM IST
Kerala Local Body Election Results Live: തിരുവനന്തപുരം കോർപറേഷനിൽ NDA ലീഡ്
തിരുവനന്തപുരം കോർപറേഷനിൽ 7 ഇടത്ത് എൻഡിഎ ലീഡ് ചെയ്യുന്നു. മൂന്നിടത്ത് എൽഡിഎഫും ഒരിടത്ത് യുഡിഎഫും ലീഡ് ചെയ്യുന്നു
December 13, 20258:31 AM IST
Kerala Local Body Election Results Live: തിരുവനന്തപുരം കോർപറേഷനിലെ ലീഡ് നില
തിരുവനന്തപുരം കോർപറേഷനിൽ മൂന്നിടത്ത് എൽഡിഎഫും രണ്ടിടത്ത് എൻഡിഎയും ലീഡ് ചെയ്യുന്നു
December 13, 20258:27 AM IST
Kerala Local Body Election Results Live: കൊല്ലം ജില്ലയിലെ ലീഡ് നില
Kerala Local Body Election Results Live: പത്തനംതിട്ടയിലെ ലീഡ് നില
പത്തനംതിട്ട ജില്ലയിൽ മൂന്ന് ഗ്രാമപഞ്ചായത്തുകളിൽ എൽഡിഎഫ് ലീഡ് ചെയ്യുന്നു. യുഡിഎഫ് ഒരിടത്ത്. മൂന്നെടുത്ത് ഒപ്പത്തിനൊപ്പം. രണ്ട് നഗരസഭകളിൽ യുഡിഎഫ് ലീഡ് ചെയ്യുന്നു
December 13, 20258:19 AM IST
Kerala Local Body Election Results Live: തിരുവനന്തപുരം കോര്പറേഷനിൽ ഇഞ്ചോടിഞ്ച്
തിരുവനന്തപുരം കോർപറേഷനിൽ എൽഡിഎഫ് 3, യുഡിഎഫ് 3, എൻഡിഎ 2.
December 13, 20258:09 AM IST
Kerala Local Body Election Results Live: വോട്ടെണ്ണൽ തുടങ്ങി; ആദ്യം എണ്ണുന്നത് പോസ്റ്റൽ വോട്ടുകൾ
തദ്ദേശ തിരഞ്ഞെടുപ്പിൽ വോട്ടെടുപ്പ് തുടങ്ങി. ആദ്യം എണ്ണുന്നത് പോസ്റ്റൽ വോട്ട്. ആദ്യ ലീഡ് എൽഡിഎഫിന്
advertisement
December 13, 20257:54 AM IST
Kerala Local Body Election Results Live: സ്ട്രോങ് റൂമുകൾ തുറക്കുന്നു
തദ്ദേശ തിരഞ്ഞെടുപ്പിന്റെ വോട്ടെണ്ണുന്നതിനായി ഇവിഎം സൂക്ഷിച്ചിരിക്കുന്ന സ്ട്രോങ് റൂമുകൾ തുറക്കുന്നു. സംസ്ഥാനത്താകെ 244 വോട്ടെണ്ണൽ കേന്ദ്രങ്ങളാണുള്ളത്. എട്ടുമണിയോടെ വോട്ടെണ്ണൽ തുടങ്ങും. ആദ്യം പോസ്റ്റല് വോട്ടുകളെണ്ണും. 8.30ഓടെ ആദ്യഫലസൂചനകൾ അറിയാം.
December 13, 20257:38 AM IST
Kerala Local Body Election Results Live: തദ്ദേശപ്പോരിൽ അഞ്ച് മുൻ എംഎൽഎമാർ
അനിൽ അക്കര- (കോൺഗ്രസ്, മുൻ വടക്കാഞ്ചേരി എംഎൽഎ) – സംസ്കൃതകോളേജ് വാർഡ്, അടാട്ട് ഗ്രാമപഞ്ചായത്ത്, തൃശൂർ ഇ എം അഗസ്തി- (കോൺഗ്രസ്, മുൻ ഉടുമ്പൻചോല, പീരുമേട് എംഎൽഎ)- ഇരുപതേക്കർ ഡിവിഷൻ, കട്ടപ്പന നഗരസഭ, ഇടുക്കി കെ എസ് ശബരിനാഥൻ- (കോൺഗ്രസ്, മുൻ അരുവിക്കര എംഎൽഎ)- കവടിയാർ വാർഡ്, തിരുവനന്തപുരം കോർപറേഷൻ കെ സി രാജഗോപാലൻ- (സിപിഎം, മുൻ ആറന്മുള എംഎൽഎ)- മാരാമൺ വാർഡ്, മെഴുവേലി പഞ്ചായത്ത്, പത്തനംതിട്ട ആർ ലതാദേവി- മന്ത്രി ജി ആർ അനിലിന്റെ ഭാര്യ, (സിപിഐ, മുൻ ചടയമംഗലം എംഎൽഎ)- കൊല്ലം ജില്ലാ പഞ്ചായത്ത്, ചടയമംഗലം ഡിവിഷൻ
December 13, 20257:16 AM IST
Kerala Local Body Election Results Live: നിലവിലെ കക്ഷി നില ഇങ്ങനെ
എൽഡിഎഫ്
ഗ്രാമപഞ്ചായത്ത്: 582
ബ്ലോക്ക് പഞ്ചായത്ത്: 113
ജില്ലാ പഞ്ചായത്ത്: 11
മുനിസിപ്പാലിറ്റി: 44
കോർപ്പറേഷൻ: 5
യുഡിഎഫ്
ഗ്രാമപഞ്ചായത്ത്: 337
ബ്ലോക്ക് പഞ്ചായത്ത്: 38
ജില്ലാ പഞ്ചായത്ത്: 3
മുനിസിപ്പാലിറ്റി: 41
കോർപ്പറേഷൻ: 1
ബിജെപി
ഗ്രാമപഞ്ചായത്ത്: 13
ബ്ലോക്ക് പഞ്ചായത്ത്: 0
ജില്ലാ പഞ്ചായത്ത്: 0
മുനിസിപ്പാലിറ്റി: 2
കോർപ്പറേഷൻ: 0
മറ്റുള്ളവർ
ഗ്രാമപഞ്ചായത്ത്: 7
ബ്ലോക്ക് പഞ്ചായത്ത്: 1
ജില്ലാ പഞ്ചായത്ത്: 0
മുനിസിപ്പാലിറ്റി: 0
കോർപ്പറേഷൻ: 0
advertisement
December 13, 20257:05 AM IST
Kerala Local Body Election Results Live: വോട്ടെണ്ണല് കേന്ദ്രങ്ങളില് നിയന്ത്രണം
വരണാധികാരി അനുവദിക്കുന്ന വ്യക്തികളെ മാത്രമേ വോട്ടെണ്ണൽ കേന്ദ്രത്തിൽ പ്രവേശിപ്പിക്കുകയുള്ളൂ. കൗണ്ടിങ് ഉദ്യോഗസ്ഥർ, തിരഞ്ഞെടുപ്പ് കമ്മീഷൻ അധികാരപ്പെടുത്തിയിട്ടുള്ള ഉദ്യോഗസ്ഥർ, സ്ഥാനാർത്ഥികൾ, ഇലക്ഷൻ ഏജന്റുമാർ, കൗണ്ടിംഗ് ഏജന്റുമാർ എന്നിവർക്കാണ് വോട്ടെണ്ണൽ കേന്ദ്രത്തിൽ പ്രവേശിക്കാൻ അനുവാദമുള്ളത്.
December 13, 20257:04 AM IST
Kerala Local Body Election Results Live: ആദ്യഫലസൂചനകൾ 8.30 ഓടെ
വോട്ടെണ്ണൽ രാവിലെ എട്ടിനു ആരംഭിക്കും. ആദ്യം വരണാധികാരിയുടെ ടേബിളിൽ പോസ്റ്റൽ ബാലറ്റ് എണ്ണി തുടങ്ങും. തുടർന്ന് വോട്ടിങ് മെഷീനുകളിലെ വോട്ടുകൾ എണ്ണും. 8.30 ഓടെ ആദ്യഫലസൂചനകൾ പുറത്തുവരും. ഉച്ചയോടെ പൂര്ണഫലം പുറത്തുവരും.
December 13, 20256:47 AM IST
Kerala Local Body Election Results Live: ആഹ്ലാദപ്രകടനങ്ങളിൽ മിതത്വം പാലിക്കണമെന്ന് തിരഞ്ഞെടുപ്പ് കമ്മീഷൻ
വിജയാഹ്ലാദ പ്രകടനങ്ങളിൽ സ്ഥാനാർത്ഥികളും രാഷ്ട്രീയ പാർട്ടികളും മിതത്വം പാലിക്കണമെന്ന് സംസ്ഥാന തിരഞ്ഞെടുപ്പ് കമ്മീഷൻ. ഡിസംബർ 18 വരെ മാതൃകാ പെരുമാറ്റചട്ടം നിലവിലുണ്ട്. പൊതുനിരത്തുകളിലും ജംഗ്ഷനുകളിലും ഗതാഗതത്തിന് തടസമുണ്ടാക്കുകയോ ശല്യപ്പെടുത്തുകയോ ചെയ്യുന്ന രീതിയിൽ ലൗഡ്സ്പീക്കർ ഉപയോഗിക്കാൻ പാടില്ല. പടക്കം, വെടിക്കെട്ട് മുതലായവ നിയമാനുസൃതമായി മാത്രമേ ഉപയോഗിക്കുവാൻ പാടുള്ളൂ. ഹരിതച്ചട്ടവും, ശബ്ദനിയന്ത്രണ, പരിസ്ഥിതി നിയമങ്ങളും ആഹ്ലാദപ്രകടനങ്ങളിൽ കർശനമായി പാലിക്കണമെന്ന് സംസ്ഥാന തിരഞ്ഞെടുപ്പ് കമ്മീഷൻ നിർദേശിച്ചു.
advertisement
December 13, 20257:03 AM IST
Kerala Local Body Election Results Live: തിരഞ്ഞെടുപ്പ് ഫലം തത്സമയം അറിയാൻ 'ട്രെൻഡ്'
തദ്ദേശ തിരഞ്ഞെടുപ്പ് ഫലം കൃത്യവും സമഗ്രവുമായി സംസ്ഥാന തിരഞ്ഞെടുപ്പ് കമ്മീഷന്റെ ‘ട്രെൻഡ്’ വെബ്സൈറ്റിൽ നിന്നും തത്സമയം അറിയാം. https://trend.sec.kerala.gov.in, https://lbtrend.kerala.gov.in, https://trend.kerala.nic.in എന്നീ വെബ് സൈറ്റുകളിൽ തിരഞ്ഞെടുപ്പ് ഫലം ലഭ്യമാണ്. സംസ്ഥാനത്തെ മുഴുവൻ തദ്ദേശ സ്ഥാപനങ്ങളുടെയും ഫലം ജില്ലാ അടിസ്ഥാനത്തിൽ ഗ്രാമപഞ്ചായത്ത്, ബ്ലോക്ക് പഞ്ചായത്ത്, ജില്ലാപഞ്ചായത്ത്, മുനിസിപ്പാലിറ്റി, കോർപ്പറേഷൻ എന്നിങ്ങനെ തിരിച്ച് ഒറ്റ നോട്ടത്തിൽ മനസിലാകുന്ന വിധം സൈറ്റിൽ ലഭ്യമാകും. ഓരോ ബൂത്തിലെയും സ്ഥാനാർത്ഥികളുടെ വോട്ടു നില അപ്പപ്പോൾ തന്നെ സൈറ്റിൽ അപ്ലോഡ് ചെയ്യും.
December 13, 20256:44 AM IST
Kerala Local Body Election Results Live: സംസ്ഥാനത്ത് ആകെ പോളിംഗ് 73.69 ശതമാനം
തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിൽ സംസ്ഥാനത്ത് ആകെ 73.69 ശതമാനം പോളിംഗ് രേഖപ്പെടുത്തി. ആദ്യ ഘട്ടത്തിലെ 70.91 ശതമാനത്തെ പോളിങ്ങിനെ മറികടന്ന് രണ്ടാം ഘട്ടത്തിൽ 76.08 ശതമാനം പോളിംഗ് രേഖപ്പെടുത്തി.
TRENDING:
