എന്താ ഈ കൊച്ചുകേരളത്തിൽ സംഭവിക്കുന്നത്? നേതാക്കളുടെ വാർഡിൽ സ്വന്തം പാർട്ടി പൊട്ടി

തിരുവനന്തപുരം: തദ്ദേശ തിരഞ്ഞെടുപ്പ് ഫലം പുറത്തുവന്നപ്പോൾ തിരുവനന്തപുരത്തെ പാർട്ടി ആസ്ഥാനങ്ങള്‍ സ്ഥിതി ചെയ്യുന്ന വാർഡുകളിലെല്ലാം ജയിച്ചത് എതിർ സ്ഥാനാർത്ഥികൾ. മാരാർജി ഭവൻ സ്ഥിതി ചെയ്യുന്ന തമ്പാനൂരില്‍ യുഡിഎഫ് സ്ഥാനാർത്ഥിയാണ് ജയിച്ചത്. കോൺഗ്രസ് ആസ്ഥാനമായ ഇന്ദിരാഭവനുള്ള ശാസ്തമംഗലത്ത് ബിജെപിയും സിപിഎമ്മിന്റെ എകെജി സെന്റർ സ്ഥിതി ചെയ്യുന്ന കുന്നുകുഴി വാർഡിൽ യുഡിഎഫും വിജയിച്ചു.