'രണ്ട് പേർക്ക് പകരം 4 പേരെ കൊല്ലാൻ ശക്തിയില്ലാത്ത പ്രസ്ഥാനമല്ല CPM; കൊലക്കു പകരം കൊല പാർട്ടി നയമല്ല': കോടിയേരി

കോൺഗ്രസ് ഉന്നത നേതൃത്വത്തിന്റെ അറിവോടുകൂടിയായിരുന്നു കൊലപാതകം. "കൊല്ലപ്പെട്ട രണ്ട് പേർക്ക് പകരം നാല് പേരെ കൊല ചെയ്യാൻ ശക്തിയില്ലാത്ത പാർട്ടിയല്ല സിപിഎം. എന്നാൽ കൊലക്കു പകരം കൊല എന്നത് സിപിഎം നയമല്ല". ഇതായിരുന്നു കോടിയേരി ബാലകൃഷ്ണന്റെ പരാമർശം. കൊല്ലപ്പെട്ടവരുടെ കുടുംബാംഗങ്ങൾക്ക് ജോലി നൽകും. ഒപ്പം മക്കളുടെ വിദ്യാഭ്യാസ ചെലവ് പാർട്ടി ഏറ്റെടുക്കുമെന്നും അദ്ദേഹം പറഞ്ഞു.

Also Read: 'മിഥിലാജ് CPM പ്രവർത്തകനെ വധിക്കാൻ ശ്രമിച്ച കേസിലെ പ്രതി; കൊലപാതകത്തിന് പിന്നിൽ CPM ചേരിപ്പോര്'; ആരോപണവുമായി കോണ്‍ഗ്രസ്

advertisement

അതേസമയം സർക്കാരിനെതിരായ വിവാദ വിഷയങ്ങളിൽ പ്രതിപക്ഷം നടത്തുന്ന സമരങ്ങളെയും കോടിയേരി രൂക്ഷമായ ഭാഷയിൽ വിമർശിച്ചു. കേരളത്തിൽ നിലവിൽ നടക്കുന്നത് അക്രമ സമരങ്ങൾ ആണ്. വെടിവെപ്പ് ഉണ്ടാക്കാനാണ് പ്രതിപക്ഷ ശ്രമം. കോൺഗ്രസും ബിജെപിയും ചേർന്ന് കേരളത്തിലെമ്പാടും കലാപം സൃഷ്ടിക്കാൻ ശ്രമിക്കുന്നതായും കോടിയേരി ആരോപിച്ചു.