TRENDING:
You may also like:സംസ്ഥാനത്ത് നാളെ മുതല് ദീര്ഘദൂര ട്രെയിനുകൾ ഓടിത്തുടങ്ങും; സമയക്രമം ഇങ്ങനെ [news]Covid 19 | സംസ്ഥാനത്ത് ഇന്ന് 61 പേര്ക്ക് കോവിഡ്; 15 പേര് രോഗമുക്തി നേടി [news]ഓന്തിനെ പോലെ നിറം മാറും; നട്ടെല്ലിൽ ശക്തിയേറിയ വിഷം; ഗവേഷകർ കണ്ടെത്തിയ അപൂർവ മത്സ്യം [news]
advertisement
2005ല് ഇടതുപക്ഷത്തിന്റെ എതിര്പ്പിനെ മറികടന്ന് യുഡിഎഫ് സര്ക്കാര് തുടങ്ങിയ വിക്ടേഴ്സ ഓണ്ലൈന് ചാനല് ഇന്ന് രാജ്യത്തെ തന്നെ മുന്നിര വിദ്യാഭ്യാസ ചാനലാണ്.
2004ല് ആണ് ഐഎസ്ആര്ഒ വിദ്യാഭ്യാസത്തിനു മാത്രമായി എഡ്യൂസാറ്റ് എന്ന സാറ്റലൈറ്റ് വിക്ഷേപിച്ചത്. അത് ആദ്യം തന്നെ പ്രയോജനപ്പെടുത്തിയ സംസ്ഥാനമാണു കേരളം. തൊട്ടടുത്ത വര്ഷം തന്നെ ഇന്ത്യയില് ആദ്യമായി രൂപം കൊടുത്ത വിദ്യാഭ്യാസ ചാനലാണ് വിക്ടേഴ്സ്. 2005 ജൂലൈ 28ന് അന്നത്തെ രാഷ്ടപതി എപിജെ അബ്ദുള് കലാം തിരുവനന്തപുരത്തെത്തി ഉദ്ഘാടന കര്മം നിര്വഹിച്ചു. രാഷ്ടപതി ഒരു അധ്യാപകനെപ്പോലെ ക്ലാസെടുക്കുകയും കുട്ടികളുമായി നേരിട്ടും വിവിധ ജില്ലകളിലെ എഡ്യൂസാറ്റ് ഇന്റര് ആക്ടീവ് ടെര്മിനലുകൡരുന്ന വിദ്യാര്ത്ഥികളുമായി ഓണ്ലൈനിലും സംവദിച്ചു. . അന്നത്തെ യുഡിഎഫ് മന്ത്രിസഭയില് വിദ്യാഭ്യാസ മന്ത്രിയായിരുന്ന ഇടി മുഹമ്മദ് ബഷീര് ഈ പദ്ധതിക്ക് പ്രത്യേക താത്പര്യം എടുത്തിരുന്നു.
എസ് എസ് എല് സിക്ക് പതിമൂന്നാമത്തെ വിഷയമായി IT ഉള്പ്പെടുത്തിയപ്പോഴും സ്റ്റേറ്റ് ഇന്സ്റ്റിറ്റ്യൂട്ട് ഓഫ് എഡ്യൂക്കേഷന് എന്ന സ്ഥാപനത്തെ സ്റ്റേറ്റ് ഇന്സ്ടിട്യൂട് ഓഫ് എഡ്യൂക്കേഷന് ടെക്നോളജി ആയി ഉയര്ത്തിയപ്പോഴും ഇടതുപക്ഷം പ്രതിഷേധവുമായി രംഗത്തുവന്നു. IT പരീക്ഷ ബഹിഷ്കരിക്കുമെന്നും മൈക്രോസോഫ്റ്റിന്റെ പ്ലാറ്റ്ഫോമില് IT പരീക്ഷ സോഫ്റ്റ്വെയര് നിര്മിച്ചത് തെറ്റാണെന്നും ഇവിടെ വേണ്ടത് സ്വതന്ത്ര സോഫ്റ്റ്വെയര് ആണെന്നും ചൂണ്ടിക്കാട്ടി കനത്ത എതിര്പ്പ് ഉയര്ത്തി. ഓണ്ലൈന് ചാനല് അധ്യാപകരെ ഒഴിവാക്കാനുള്ള കുതന്ത്രമായി വ്യാഖ്യാനിക്കപ്പെട്ടു.
വിദൂര വിദ്യാഭ്യാസത്തിന്റെയും സാങ്കേതിക വിദ്യയുടെയും അനന്തസാധ്യതകള് ഉപയോഗപ്പെടുത്താനാണ് യുഡിഎഫ് സര്ക്കാര് ശ്രമിച്ചത്. 2011-16ല് എസ്എസ്എല്സി പരീക്ഷയ്ക്ക് മുമ്പ് 5 വര്ഷത്തെ ചോദ്യപേപ്പറുകളുടെ വിശകലനം, പരീക്ഷാത്തലേന്ന് സാമ്പള് ചോദ്യപേപ്പറിന്റെ വിശകലനം, എന്ട്രന്സ് കോച്ചിംഗ്, പത്തിനുശേഷമുള്ള ഉപരിപഠന സാധ്യതകള്, അധ്യാപക പരിശീലനം തുടങ്ങിയ ഒട്ടേറെ പരിപാടികള് നടപ്പാക്കി വിക്ടേഴ്സ് ചാനലിനെ മുന്നിരയില് എത്തിച്ചുവെന്ന് ഉമ്മന് ചാണ്ടി ചൂണ്ടിക്കാട്ടി.
സാങ്കേതികവിദ്യയുടെ പ്രാധാന്യം തിരിച്ചറിയാന് എല്ഡിഎഫിന് പതിന്നാലുവര്ഷവും കൊറോണയും വേണ്ടിവന്നുവെന്നും ഉമ്മന് ചാണ്ടി ചൂണ്ടിക്കാട്ടി.
Click here to add News18 as your preferred news source on Google.