വീണ്ടും സ്വർണ്ണ വേട്ട; തിരുവനന്തപുരം വിമാനത്താവളത്തിൽ ഒരു കിലോ സ്വർണ്ണം പിടികൂടി

ട്രോളി ബാഗിന്റെ ചട്ടങ്ങളിൽ വയറുകളുടെ രൂപത്തിലാണ് സ്വർണം ഒളിപ്പിച്ചിരുന്നത്. കാസർഗോഡ് സ്വദേശികൾ എന്തിന് തിരുവനന്തപുരം വിമാനത്താവളത്തിലിറങ്ങി എന്ന സംശയത്തെത്തുടർന്നാണ് കസ്റ്റംസ് ചോദ്യം ചെയ്തത്.

യാത്രക്കാരിൽ ഒരാൾ മൂന്നു ദിവസം മുൻപാണ് കോഴിക്കോടു നിന്ന് ദുബായിലേക്കു പോയത്. പെട്ടെന്നു തിരിച്ചുവരാനുള്ള കാരണം ചോദിച്ചെങ്കിലും യാത്രക്കാരന് കൃത്യമായ മറുപടി നൽകാനായില്ല. തുടർന്ന് നടത്തിയ പരിശോധനയിലാണ് സ്വർണം കണ്ടെത്തിയത്.