യൂണിവേഴ്സിറ്റി കോളജ് വിദ്യാർത്ഥികളായ ശിവ രഞ്ജിത്, നസീം, പ്രണവ് എന്നിവരാണ് കേസിലെ മുഖ്യ പ്രതികൾ. ഇവർ മൂന്നുപേരും തിരുവനന്തപുരം യൂണിവേഴ്സിറ്റി കോളേജിലെ എസ്എഫ്ഐ നേതാക്കളായിരുന്നു. ഇവരെ കൂടാതെ രണ്ട് വിദ്യാർത്ഥികളും ഒരു പോലീസുകാരനും കേസിലെ പ്രതികളാണ്.
നാല് വർഷം മുമ്പാണ് കേസിന് ആസ്പദമായ സംഭവം നടന്നത്. കഴിഞ്ഞ ആഴ്ചയാണ് പൊലീസ് കുറ്റപത്രം കോടതിയിൽ സമർപ്പിച്ചത്. ഇന്നലെയും ഇന്നുമായാണ് കുറ്റപത്രം തിരുവനന്തപുരം സിജെഎം കോടതി പരിശോധിച്ചത്. തൊണ്ടിമുതലുമായി ബന്ധപ്പെട്ട രേഖകളിൽ അവ്യക്തതയുണ്ടെന്നാണ് കോടതിയുടെ നിരീക്ഷണം. ഇതോടെ കുറ്റപത്രം അപൂർണമാണെന്ന് ചൂണ്ടിക്കാട്ടി കുറ്റപതം കോടതി അന്വേഷണസംഘത്തിന് മടക്കി അയയ്ക്കുകയായിരുന്നു.
advertisement
രേഖകളിൽ വ്യക്തത വരുത്തിയശേഷം കുറ്റപത്രം സമർപ്പിച്ചാൽ മതിയെന്നും കോടതി നിർദേശിച്ചിട്ടുണ്ട്. കേസിലെ നിർണായക തെളിവുകളായ മൊബൈൽഫോൺ ഉൾപ്പടെയുള്ള തൊണ്ടിമുതലുകളുടെ കാര്യത്തിലാണ് കുറ്റപത്രത്തിൽ അവ്യക്തതയുള്ളത്. ഇത് പ്രതികളെ രക്ഷിക്കാനാണെന്ന ആരോപണം ഉയരുന്നുണ്ട്.