തന്നെ. കൊറണയെന്ന മഹാമാരി തീര്‍ത്ത ദുരന്തങ്ങളില്‍ നിന്നും രാജ്യങ്ങള്‍ കരകയറി വരുന്നേയുള്ളൂ. എല്ലാവരും ഒന്നിച്ച് പോരാടേണ്ട ഈ അവസ്ഥയിലും സ്ത്രീകളെയും പെണ്‍കുട്ടികളെയും പാര്‍ശ്വവല്‍ക്കരിക്കുന്ന വ്യവസ്ഥിതി മാറേണ്ട സമയം അതിക്രമിച്ചിരിക്കുന്നു. കൊറോണ മഹാമരിയില്‍ നിന്ന് രാജ്യത്തെ വീണ്ടെടുക്കുന്നതിനുള്ള പ്രവര്‍ത്തനങ്ങളില്‍ പ്രധാന തീരുമാനങ്ങള്‍ രൂപപ്പെടുത്തുന്നതിലും സജീവമായ പങ്കാളിത്തവും ഉത്തരവാദിത്തങ്ങളും സ്ത്രീകള്‍ക്കും നല്‍കണം.
സ്ത്രീ നേതൃത്വത്തില്‍: കോവിഡ് -19 ലോകത്ത് തുല്യത കൈവരിക്കുക എന്നതാണ് 2021ലെ അന്താരാഷ്ട്ര വനിതാദിനത്തിന്റെ പ്രമേയം. ഈ പ്രമേയം കൊണ്ട് ഉദ്ദേശിക്കുന്നത് നിര്‍ണയകമായ തീരുമാനങ്ങള്‍ എടുക്കുന്നതില്‍ പ്രത്യേകിച്ചും നയരൂപീകരണവുമായി ബന്ധപ്പെട്ട് സ്ത്രീകളെ എങ്ങനെ തുല്യ പങ്കാളികളാക്കും എന്നതാണ്.
advertisement
വിപ്ലവകരമായ ഇത്തരത്തിലുള്ള ചുവടുവെപ്പുകള്‍ വിജയിക്കാന്‍ ആദ്യം സ്ത്രീകളുടെ പുരോഗമനത്തെ തടസ്സപ്പെടുത്തുന്ന സാംസ്‌കാരിക, ചരിത്ര, സാമൂഹിക-സാമ്പത്തിക ഘടകങ്ങളെ തകര്‍ക്കേണ്ടതുണ്ട്. നിലവില്‍, ലോകത്തിന്റെ പല ഭാഗങ്ങളിലും സ്ത്രീകള്‍ കുറഞ്ഞ വേതനത്തില്‍ ദുര്‍ബലമായ സാഹചര്യങ്ങളില്‍ ജോലി ചെയ്യുന്നു.
Also Read- International Women's Day | ടൈം മാഗസിന്റെ മുഖചിത്രത്തിൽ ഇടം നേടിയ 10 പ്രമുഖ വനിതകൾ
ഇന്ത്യയില്‍ മാത്രമൊതുങ്ങുന്നതല്ല ഈ പ്രശ്‌നം. ലോക രാജ്യങ്ങളുമായി ചേര്‍ന്ന് സ്ത്രീകളുമായി ബന്ധപ്പെട്ട ഇത്തരം വിഷയങ്ങള്‍ പരിഹരിക്കാന്‍ സഹായിക്കുക എന്നതാണ് യുണൈറ്റഡ് നേഷന്‍സ് ഡെവലപ്‌മെന്റ് പ്രോഗ്രാം (യുഎന്‍ഡിപി) ലക്ഷ്യം വെക്കുന്നത്.
അന്താരാഷ്ട്ര വനിതാ ദിനത്തിന്റെ പ്രാധാന്യം സ്ത്രീകളുടെ സാംസ്‌കാരിക, രാഷ്ട്രീയ, സാമ്പത്തിക, സാമൂഹിക നേട്ടങ്ങള്‍ ലോകത്തിന് മുന്‍പില്‍ ആഘോഷിക്കുക എന്നത് തന്നെയാണ് ഇത്തരമൊരു ദിനത്തിന്റെ ലക്ഷ്യം. കൂടാതെ ലിംഗ തുല്യത കൈവരിക്കുന്നതിനുള്ള പ്രവര്‍ത്തനങ്ങള്‍ക്കുള്ള
ആഹ്വാനമായും ഈ ദിനത്തെ കാണക്കുന്നു.
സ്ത്രീകളുടെ അവകാശങ്ങള്‍, ലിംഗസമത്വം, സുരക്ഷ, എല്ലാ തരത്തിലുമുള്ള ഉപദ്രവങ്ങള്‍ തടയല്‍, ഇവയെക്കുറിച്ച് ആളുകളെ ബോധവാന്മാരാക്കല്‍ എന്നിവ കൂടി ഈ ദിനം ആചരിക്കുന്നതിന്റെ പ്രധാന്യം വര്‍ദ്ധിപ്പിക്കുന്നു. ജീവിതത്തിന്റെ ഓരോ മേഖലകളിലും സ്ത്രീകള്‍ വഹിക്കുന്ന അസാധാരണമായ
ഇടപെടലുകള്‍ പ്രതിഫലിപ്പിക്കാനും അതുവഴി പിന്നീട് വളര്‍ന്നു വരുന്ന പെണ്‍കുട്ടികളില്‍ ധൈര്യവും നിശ്ചയദാര്‍ഢ്യവും വാര്‍ത്തെടുക്കാനും ഇത്തരം അവസരങ്ങള്‍ ഉപകാരപ്പെടുക തന്നെ ചെയ്യും
ലോകമെമ്പാടുമുള്ള രാജ്യങ്ങള്‍ സ്ത്രീമുന്നേറ്റവുമായി ബന്ധപ്പെട്ട് വലിയ നേട്ടങ്ങള്‍ നടത്തിയിട്ടുണ്ടെങ്കിലും ലിംഗസമത്വം എന്നത് ഇനിയും പൂര്‍ത്തീകരിക്കാത്ത സ്വപ്നമായി തുടരുന്നു. തലമുറകള്‍ നീളുന്ന പ്രവര്‍ത്തനങ്ങളും പദ്ധതികളും ഇതിന് ആവശ്യമാണ്. അതായത് കേവലമൊരു ദിനാചരണം കൊണ്ട്
നേടിയെടുക്കാനാകുന്ന ഒന്നല്ല ലിംഗസമത്വം എന്നര്‍ത്ഥം. ഐക്യരാഷ്ട്രസഭയുടെ കണക്കനുസരിച്ച്, കര്‍ശനമായ നിയമങ്ങള്‍ ഏകദേശം 2.7 ബില്യണ്‍ സ്ത്രീകളെ പുരുഷന്മാരുടേതിന് സമാനമായ ജോലികള്‍ ചെയ്യുന്നതില്‍ നിന്നും നിയന്ത്രിക്കുന്നു. 2019 ലെ കണക്കനുസരിച്ച് പാര്‍ലമെന്റ് അംഗങ്ങളില്‍ 25
ശതമാനത്തില്‍ താഴെ മാത്രമാണ് സ്ത്രീകളുടെ എണ്ണം, മാത്രമല്ല മൂന്നില്‍ ഒരാള്‍ ലിംഗാധിഷ്ഠിത അതിക്രമങ്ങള്‍ക്കും ഇരയാകുന്നു.
INTERNATIONAL WOMENS DAY, UNITED NATIONS, GENDER EQUALITY, സ്ത്രീകളുടെ അവകാശങ്ങള്‍, ലിംഗസമത്വം, കോവിഡ് -19