Gold Rate: ലക്ഷത്തിൽ നിന്നും താഴെയിറങ്ങി പൊന്ന്! പവന് കുറഞ്ഞത് 3200 രൂപ; നിരക്ക് അറിയാം|kerala gold price update on 23rd march 2025 know the rates

രാജ്യാന്തരവില 250 ഡോളർ ഇടിഞ്ഞ് 4,200 ഡോളർ നിലവാരത്തിൽ തുടരുന്നു

തിരുവനന്തപുരം: സംസ്ഥാനത്തെ സ്വർണവിലയിൽ വീണ്ടും വൻ ഇടിവ് . രണ്ട് മാസത്തിനു ശേഷം പവൻ വില വീണ്ടും ഒരു ലക്ഷത്തിന് താഴെ എത്തി. പവന് 3200 രൂപ താഴ്ന്ന് 99,480 രൂപയിലെത്തി. ഗ്രാമിന് 400 രൂപ കുറഞ്ഞ് 12,435 രൂപയിലെത്തി. പവന് രാവിലെ 4,360 രൂപ കുറഞ്ഞിരുന്നു. ഇതോടെ ഇന്ന് മാത്രം 7560 രൂപയുടെ ഇടിവാണ് രേഖപ്പെടുത്തിയിരിക്കുന്നത്. രാജ്യാന്തരവില 250 ഡോളർ ഇടിഞ്ഞ് 4,200 ഡോളർ നിലവാരത്തിൽ തുടരുന്നു.

ജനുവരി 29ന് പവൻവില 1,31,160 രൂപയും ഗ്രാം വില 16,395 രൂപയുമെന്ന സർവകാല ഉയരം തൊട്ടിരുന്നു. തുടർന്ന് ഇതുവരെ പവന് കുറഞ്ഞത് 28,480 രൂപ. ഗ്രാമിന് 3,560 രൂപയും കുറഞ്ഞു. ഒരു ഗ്രാം 24 കാരറ്റ് സ്വർണത്തിന് 13,565 രൂപയും, പവന് 1,08,560 രൂപയുമാണ് നിരക്ക്. 18 കാരറ്റിന് ഒരു ഗ്രാമിന് 10,174 രൂപയും പവന് 81,392 രൂപയുമാണ് വില. വെള്ളി വില ഗ്രാമിന് 230 രൂപയും കിലോഗ്രാമിന് 2,20,000 രൂപയുമാണ് ഇന്നത്തെ നിരക്ക്.