Gold Rate: കുതിപ്പിന് പിന്നാലെ വീണ്ടും ഇറങ്ങി സ്വർണം; വിലയിൽ ഇന്ന് ഇടിവ്; നിരക്ക് അറിയാം|Kerala gold price update on 24th march 2025 know the rates

രാജ്യാന്തരവില 4,352 ഡോളർ നിലവാരത്തിൽ തുടരുന്നു

തിരുവനന്തപുരം: സംസ്ഥാനത്തെ സ്വർണവിലയിൽ ഇന്ന് ഇടിവ്. ഇന്നലെ കുത്തനെ ഇടിയുകയും പിന്നീട് കയറുകയും ചെയ്ത വിലയാണ് ഇന്ന് വീണ്ടും ഇടിഞ്ഞത്. പവന് 2,160 രൂപ കുറഞ്ഞ് 1,02,920 രൂപയിലെത്തി. ഗ്രാം വില 270 രൂപ താഴ്ന്ന് 12,865 രൂപയിലെത്തി. കഴിഞ്ഞ ദിവസം രണ്ട് തവണയായി 7560 രൂപ ഇടിഞ്ഞ് വില ഒരു ലക്ഷത്തിന് താഴെ എത്തിയിരുന്നു. ശേഷം വൈകുന്നേരത്തോടെ വില വീണ്ടും തിരിച്ചുകയറി. രാജ്യാന്തരവില 4,352 ഡോളർ നിലവാരത്തിൽ തുടരുന്നു.

ഒരു ഗ്രാം 24 കാരറ്റ് സ്വർണത്തിന് 14,035 രൂപയും, പവന് 1,12,280 രൂപയുമാണ് നിരക്ക്. 18 കാരറ്റിന് ഒരു ഗ്രാമിന് 10,526രൂപയും പവന് 84,208 രൂപയുമാണ് വില. വെള്ളി വില ഗ്രാമിന് 240 രൂപയും കിലോഗ്രാമിന് 2,240,000 രൂപയുമാണ് ഇന്നത്തെ നിരക്ക്. ഇറാനുമായി ചർച്ച നടത്തുന്നുണ്ടെന്നും അധികം വൈകാതെ സമവായത്തിലെത്തുമെന്നും ഇന്നലെ യുഎസ് പ്രസിഡന്‍റ് ഡോണള്‍ഡ് ട്രംപ് പറഞ്ഞിരുന്നു. എന്നാൽ ഇറാൻ ഈ വാർത്ത പൂർണമായും തള്ളി. അമേരിക്കയുമായി യാതൊരുവിധ ചർച്ചയും ഇതുവരെ നടന്നില്ലെന്നും യുദ്ധവുമായി മുന്നോട്ട് പോകാനാണ് തീരുമാനമെന്നും ഇറാൻ അറിയിച്ചു.