ജിയോ ട്രൂ 5G സേവനങ്ങൾ തിരുവനന്തപുരത്തും ലഭ്യമായി തുടങ്ങി. കോർപറേഷൻ പരിധിയിലും നെയ്യാറ്റിൻകര നഗരസഭാ പ്രദേശങ്ങളിലും തെരഞ്ഞെടുക്കപ്പെട്ട ഇടങ്ങളിലാണ് തുടക്കത്തിൽ സേവനം ലഭ്യമാക്കിയിരിക്കുന്നത്.
ജിയോ 5ജി ഇന്ന് മുതലാണ് തിരുവനന്തപുരത്ത് ലഭ്യമായിത്തുടങ്ങിയത്. തമ്പാനൂർ, വിമാനത്താവളം, ടെക്നോപാർക്ക് ഉൾപ്പടെയുള്ള 120 സ്ഥലങ്ങളിലാണ് ജിയോ ട്രൂ 5ജി ലഭ്യമാകുന്നത്.
5ജി ഹാൻഡ്സെറ്റുള്ള ഉപഭോക്താക്കൾക്ക് അധിക ചിലവുകളൊന്നുമില്ലാതെ 1 Gbps+ വേഗതയിൽ അൺലിമിറ്റഡ് ഡാറ്റയിൽ 5ജി സേവനം സ്വീകരിക്കാൻ കഴിയും. കേരളത്തിൽ 5ജി നെറ്റ്‌വർക്ക് ഒരുക്കുന്നതിനായി ഇതിനോടകം 6000 കോടിരൂപയാണ് ജിയോ നിക്ഷേപിച്ചിരിക്കുന്നത്.
advertisement
4G നെറ്റ്‌വർക്കിനെ ആശ്രയിക്കാത്ത, സ്റ്റാൻഡലോൺ 5G നെറ്റ്‌വർക്ക് വിന്യസിച്ച ഏക കമ്പനിയാണ് ജിയോ. സ്റ്റാൻഡലോൺ 5G ഉപയോഗിച്ച്, കുറഞ്ഞ ലേറ്റൻസി കണക്റ്റിവിറ്റി, വലിയ മെഷീൻ-ടു-മെഷീൻ ആശയവിനിമയം, 5G വോയ്‌സ്, എഡ്ജ് കമ്പ്യൂട്ടിംഗ്, നെറ്റ്‌വർക്ക് സ്‌ലൈസിംഗ് എന്നിവയുള്ള പുതിയതും ശക്തവുമായ സേവനങ്ങൾ ജിയോയ്ക്ക് നൽകാൻ കഴിയും.
കേരളത്തിലെ ജിയോ ട്രൂ 5ജി ഡിസംബർ 20ന് മുഖ്യമന്ത്രി പിണറായി വിജയൻ കൊച്ചിയിലാണ് ഉദ്ഘാടനം ചെയ്തത്.
എങ്ങനെ 5ജി സേവനം ലഭ്യമാകും?
5 G സാധ്യമാക്കുന്ന അതിവേഗ ഡാറ്റാ കൈമാറ്റം ജനജീവിതത്തെ മാറ്റിമറിക്കാൻ ശേഷിയുള്ളതായിരിക്കുമെന്നാണ് കരുതപ്പെടുന്നത്. സെക്കന്‍ഡില്‍ ഒരു ജി.ബി വരെ വേഗം നല്‍കുന്ന ഡേറ്റയാണ് ജിയോ 5G ഒരുക്കുന്നത്. 4ജിയേക്കാള്‍ 10 ഇരട്ടി വരെ ഡാറ്റാ വേഗതയാണ് 5 ജിയില്‍ പ്രതീക്ഷിക്കുന്നത്.
Also read- 5ജി കേരളത്തിൽ; റിലയൻസ് ജിയോ 5ജി സേവനം കൊച്ചിയിലും ഗുരുവായൂരിലും
5G സേവനങ്ങൾ ലഭിക്കാൻ ഉപഭോക്താക്കൾ അവരുടെ സിം കാർഡുകൾ മാറ്റേണ്ടതില്ല. 5G ഹാൻഡ്സെറ്റുള്ള ഉപഭോക്താക്കൾക്ക് ജിയോ അയയ്ക്കുന്ന വെൽക്കം മെസേജിലൂടെ അതിവേഗ ഡാറ്റ ആസ്വദിക്കാൻ കഴിയും. ഇതിനായി 239 രൂപയിൽ കൂടുതലുള്ള പ്രീപെയ്ഡ്, എല്ലാ പോസ്റ്റ്‌പെയ്ഡ് ഉപയോക്താക്കൾക്കും 5ജി സേവനം ലഭിക്കും