ആഗോള മാന്ദ്യം, നീണ്ടുനിൽക്കുന്ന യുദ്ധം, നാണയപ്പെരുപ്പം എന്നിവയ്ക്കിടയിലാണ് വരാനിരിക്കുന്ന ബജറ്റ് എന്നതും ശ്രദ്ധേയമാണ്. ബജറ്റ് ഗ്രാമീണ മേഖലയ്ക്ക് പ്രാധാന്യം നൽകുന്നതും ഇൻഫ്രാ കേന്ദ്രീകൃതവുമാകുമെന്നാണ് വിദഗ്ധരുടെ പ്രതീക്ഷ.
നിങ്ങൾ അടുത്ത മാസം നടക്കാനിരിക്കുന്ന ബജറ്റ് സമ്മേളനത്തിനായി കാത്തിരിക്കുകയാണെങ്കിൽ ബജറ്റ് പ്രഖ്യാപനം എപ്പോൾ? തത്സമയ സംപ്രേക്ഷണം എവിടെ കാണാം തുടങ്ങിയ കാര്യങ്ങൾ അറിയേണ്ടതുണ്ട്. കേന്ദ്ര ബജറ്റ് 2023 സംബന്ധിച്ച കൂടുതൽ വിവരങ്ങൾ അറിയാം.
Also read-‘ഇ-റുപ്പീ ഇടപാടിൽ വേഗത പ്രശ്നം’; പരീക്ഷണഘട്ടത്തിന്റെ ഭാഗമായ മുംബൈയിലെ പഴകച്ചവടക്കാരൻ
advertisement
ബജറ്റ് 2023: തീയതിയും സമയവും
ഫെബ്രുവരി ഒന്ന് ബുധനാഴ്ച ധനമന്ത്രി നിർമ്മലാ സീതാരാമൻ കേന്ദ്ര ബജറ്റ് അവതരിപ്പിക്കും. രാവിലെ 11 മണിയോടെ സമ്മേളനം ആരംഭിക്കും. ബജറ്റ് സമ്മേളനത്തിന്റെ ആദ്യ ദിവസമാണ് മുൻ വർഷങ്ങളിൽ ബജറ്റ് അവതരണം നടത്തിയിരുന്നത്. എന്നാൽ ഈ വർഷം അത് സമ്മേളനത്തിന്റെ രണ്ടാം ദിവസമായിരിക്കും. പാർലമെന്റ് സമ്മേളനം ജനുവരി 31ന് ആരംഭിക്കുമെന്നാണ് പ്രതീക്ഷിക്കുന്നത്. ജനുവരി 31ന് സീതാരാമൻ സാമ്പത്തിക സർവേ അവതരിപ്പിക്കും.
ബജറ്റ് 2023: തത്സമയം എവിടെ കാണാം?
ബജറ്റ് അവതരണം ഓൺലൈനായി പിഐബി (PIB), സൻസദ് ടിവി (Sansad TV) എന്നിവയുടെ ഔദ്യോഗിക യൂട്യൂബ് ചാനലിൽ കാണാം. കൂടാതെ ടിവിൽ ലൈവ് ടെലികാസ്റ്റ് ദൂരദർശനിലും സൻസദ് ടിവി ചാനലിലും ലഭ്യമാണ്. പ്രധാന ഹൈലൈറ്റുകൾക്കും വിദഗ്ധരുടെ വിശകലനത്തിനും നിങ്ങൾക്ക് ന്യൂസ് 18 പിന്തുടരാം. ന്യൂസ് 18 കൂടാതെ, സിഎൻബിസി ടിവി 18, സിഎൻബിസി ആവാസ് എന്നിവയുൾപ്പെടെ എല്ലാ പ്രമുഖ ടെലിവിഷൻ ചാനലുകളും ബജറ്റ് ലൈവ് സ്ട്രീം ചെയ്യും.
2023ലെ കേന്ദ്ര ബജറ്റുമായി ബന്ധപ്പെട്ടുള്ള ചർച്ചകൾക്ക് കഴിഞ്ഞ നവംബറിൽ തന്നെ കേന്ദ്ര ധനകാര്യമന്ത്രി നിർമ്മല സീതാരാമൻ തുടക്കമിട്ടിരുന്നു. വ്യവസായ വിദഗ്ധർ, അടിസ്ഥാന വികസന മേഖലയുമായി ബന്ധപ്പെട്ടവർ, കാലാവസ്ഥ വ്യതിയാനവുമായി ബന്ധപ്പെട്ട മേഖലയിലെ പ്രമുഖർ എന്നിവരുമായി മന്ത്രി കൂടിക്കാഴ്ച നടത്തിയിരുന്നു. ചർച്ചയിൽ അതത് മേഖലകളിൽ നിന്നുള്ളവരുടെ വിലപ്പെട്ട നിർദ്ദേശങ്ങൾ സ്വീകരിക്കുകയും അവ വരാനാരിക്കുന്ന 2023-24 ബജറ്റിൽ അവതരിപ്പിക്കുകയും ചെയ്യുമെന്ന് മന്ത്രി വ്യക്തമാക്കുകയും ചെയ്തിരുന്നു.