മികച്ച വിജയം നേടിയ മകനെ നാട്ടിലെത്തി അഭിനന്ദിക്കാനിരുന്ന പവിത്രന്റെ ആകസ്മിക വിയോഗം പ്രവാസിലോകത്ത് തീരാവേദനയായിരുന്നു. വിയോഗ വാർത്തയറിഞ്ഞു കുടുംബത്തിന് പിന്തുണയറിയിച്ച വിപിഎസ് ഹെൽത്ത്കെയർ ചെയർമാനും മാനേജിംഗ് ഡയറക്ടറുമായ ഡോ. ഷംഷീർ വയലിലിന്റെ സഹായം ഞായറാഴ്ച കുടുംബാംഗങ്ങൾക്ക് നൽകി. കോഴിക്കോട് സ്വദേശിയായ ഡോ. ഷംഷീറിന്റെ അഭ്യർത്ഥനയെ തുടർന്ന് എക്സൈസ്, തൊഴിൽ മന്ത്രി ടിപി രാമകൃഷ്ണനാണ് പവിത്രന്റെ കുറ്റ്യാടി കായക്കൊടിയിലെ വീട്ടിലെത്തി അഞ്ചുലക്ഷം രൂപയുടെ സഹായം കൈമാറിയത്.
TRENDING:അംബാസഡർ മുതൽ മാരുതി 800 വരെ; ഇന്ത്യൻ വാഹന വ്യവസായത്തിലെ പഴയകാല കേമൻമാർ ഇവരാണ്
advertisement
[PHOTO]പബ്ലിക് റോഡിൽ കുടുംബ കലഹം; ഭർത്താവിന്റെ കാറിന്റെ ബോണറ്റിൽ ചാടിക്കയറി ഭാര്യ: പിന്നെ സംഭവിച്ചത്!
[NEWS]WCC | 'വിധുവിന്റെ പ്രൊജക്ടിന്റെ ഭാഗമാകാൻ കഴിയില്ലെന്ന് അറിയിച്ചിരുന്നു'; വിശദീകരണവുമായി നടി പാർവതി
[NEWS]
വിപിഎസ് ഹെൽത്ത്കെയർ ഇന്ത്യ ഡയറക്ടർ ഹാഫിസ് അലി ഉള്ളാട്ട്, മുൻ എംപി പി സതീദേവി തുടങ്ങിയവർ സന്നിഹിതനായിരുന്നു. പവിത്രന്റെ ആഗ്രഹം പൂർത്തിയാക്കാൻ മകൻ ധനൂപിന്റെ ഡിഗ്രിവരെയുള്ള വിദ്യാഭ്യാസ ചെലവ് ഏറ്റെടുക്കാൻ ഡോ. ഷംഷീർ സന്നദ്ധതയറിയിച്ചിരുന്നു. ഇതിന്റെ ഭാഗമായാണ് സാമ്പത്തിക സഹായം. ധനൂപിന്റെ പഠനാവശ്യങ്ങൾക്കായി ലാപ്പ്ടോപ്പും ഡോ. ഷംഷീർ നൽകിയിട്ടുണ്ട്.
പവിത്രന്റെ തൊഴിൽ നഷ്ടത്തിനും സാമ്പത്തിക ബുദ്ധിമുട്ടുകൾക്കുമിടെ കുടുംബത്തിന് പ്രതീക്ഷ നൽകിയ വിജയമായിരുന്നു മകന്റേത്. കുടുംബത്തിന്റെ സ്വപ്നങ്ങൾ പൂർത്തിയാക്കാൻ പ്രവാസി സമൂഹം നൽകുന്ന പിന്തുണ പ്രശംസനീയമാണെന്ന് മന്ത്രി ടിപി രാമകൃഷ്ണൻ പറഞ്ഞു. അച്ഛന്റെ വിയോഗവാർത്തയറിഞ്ഞു സഹായവും പിന്തുണയുമറിയിച്ച ഡോ. ഷംഷീറിനും മറ്റു പ്രവാസി മലയാളികൾക്കും ധനൂപ് നന്ദി പറഞ്ഞു.