ഇരുപത്തിനാല് വയസ്സിനുള്ളിൽ എംബാപ്പെയുടെ നേട്ടങ്ങൾ
- 36 ഗോളുകളോടെ ഫ്രാൻസിന്റെ എക്കാലത്തെയും ടോപ് സ്‌കോറർമാരുടെ പട്ടികയിൽ എംബാപ്പെ ഇതിനകം ആറാം സ്ഥാനത്താണ്. കഴിഞ്ഞ ദിവസം വിരമിച്ച ബാലൺ ഡി ഓർ ജേതാവ് കരീം ബെൻസെമയ്ക്ക് തൊട്ടുപിന്നിലായാണ് എംബാപ്പെ.
- 14 മത്സരങ്ങളിൽ നിന്ന് 12 ലോകകപ്പ് ഗോളുകളാണ് എംബാപ്പെ നേടിയത്. ബ്രസീൽ ഇതിഹാസം പെലെയ്‌ക്കൊപ്പം പട്ടികയിൽ ആറാം സ്ഥാനത്താണ്.
- 1958, 196 വർഷങ്ങളിൽ ബ്രസീൽ താരം വാവയ്ക്കു ശേഷം തുടർച്ചയായ രണ്ട് ലോകകപ്പുകളിൽ സ്കോർ ചെയ്യുന്ന താരമെന്ന ബഹുമതിയും എംബാപ്പെയ്ക്ക് സ്വന്തം.
- പിഎസ്ജി താരമായ എംബാപ്പെ, ക്ലബ്ബിനും രാജ്യത്തിനുമായി 363 മത്സരങ്ങളിൽ നിന്ന് 253 തവണ സ്കോർ ചെയ്തത്. ഇതേ പ്രായത്തിൽ മെസിയും റൊണാൾഡോയും സ്കോർ ചെയ്തതിനേക്കാൾ എത്രയോ വലിയ കണക്കാണിത്.
advertisement
എംബാപ്പെയെ കുറിച്ച് മറ്റു ചില കാര്യങ്ങൾ
1998 ൽ ഡിസംബർ 20 പാരീസിലെ കുടിയേറ്റ കുടംബത്തിലാണ് എംബാപ്പെയുടെ ജനനം. പാരീസ് നഗരത്തിന്റെ പ്രാന്തപ്രദേശത്തുള്ള ബോണ്ടിയിലാണ് എംബാപ്പെ വളർന്നത്. കാമറൂൺ വംശജനായ പിതാവാണ് എംബാപ്പെയെ ഫുട്ബോളിലേക്ക് കൊണ്ടുവരുന്നത്. എംബാപ്പെയുടെ ഏജന്റ് കൂടിയായി പ്രവർത്തിക്കുന്ന അദ്ദേഹം ഫുട്ബോൾ പരശീലകൻ കൂടിയാണ്. അൾജീരിയൻ കാബിൽ വംശജയായ അമ്മ ഹാൻഡ് ബോൾ താരമായിരുന്നു.
Also Read- ലോകകപ്പ് നേടിയിട്ടും ഫിഫ റാങ്കിങ്ങിൽ അർജന്റീന രണ്ടാമത്; ഒന്നാമത് ബ്രസീൽ തന്നെ
അഞ്ച് വയസ്സുള്ളപ്പോഴാണ് എംബാപ്പെ ഫുട്ബോളുമായുള്ള യാത്ര ആരംഭിക്കുന്നത്. അന്ന് ബോണ്ടിയിലെ പ്രാദേശിക ക്ലബ്ബായിരുന്ന ക്ലബ് എഎസ് ബോണ്ടിയിൽ പരിശീലകനായിരുന്നു എംബാപ്പെയുടെ പിതാവ്. അച്ഛനൊപ്പം അഞ്ചു വയസ്സുകാരൻ കിലിയനും ഫുട്ബോൾ പരിശീലനത്തിന് എത്തും. ഫുട്ബോൾ തന്ത്രങ്ങളെ കുറിച്ചുള്ള പിതാവിന്റേയും ക്ലബ്ബിലെ മറ്റ് അംഗങ്ങളുടേയും ചർച്ചകൾ പതിവായി കേട്ട കിലിയൻ എംബാപ്പെ കാൽപന്ത് കളിയെ ആരാധിച്ചു തുട‌ങ്ങി.
Also Read- ‘കേരളം ഇന്ത്യയിലെ ഒരു സംസ്ഥാനമാണ്, ദയവായി തിരുത്തൂ’; അർജന്‍റീനയോട് ഉത്തർപ്രദേശ് പൊലീസ് ഉദ്യോഗസ്ഥ
കിടപ്പുമുറിയിലെ ചുമര് നിറയെ ക്രിസ്റ്റ്യാനോ റൊണാൾഡോയുടെ ചിത്രങ്ങൾ പതിച്ച എംബാപ്പെയുടെ പഴയ ചിത്രങ്ങൾ ഇന്ന് സോഷ്യൽമീഡിയയിൽ വൈറലാണ്. കുട്ടിക്കാലം തൊട്ട് ക്രിസ്റ്റ്യാനോ റൊണാൾഡോയുടെ കടുത്ത ആരാധകനായിരുന്നു എംബാപ്പെ.
23ാമത്തെ വയസ്സിൽ ഏറ്റവും കൂടുതൽ പ്രതിഫലം വാങ്ങുന്ന ഫുട്ബോൾ താരങ്ങളുടെ ഫോബ്സ് പട്ടികയിൽ എംബാപ്പെയും ഇടംനേടി. പ്രതിവർഷം 128 മില്യൺ ഡോളറാണ് എംബാപ്പെയുടെ വരുമാനം.
2018 റഷ്യ ലോകകപ്പിൽ നിന്നും ലഭിച്ച തുക മുഴുവൻ കുട്ടികൾക്കായുള്ള സന്നദ്ധ സേവനങ്ങൾക്ക് എംബാപ്പെ നൽകി.