അഞ്ച് ഏകദിന പരമ്പരകള്‍ പരാജയപ്പെട്ടതിനു ശേഷമാണ് കംങ്കാരുക്കള്‍ ദക്ഷിണാഫ്രിക്കയ്‌ക്കെതിരെ ബാറ്റെടുക്കുന്നത്. ഈ വര്‍ഷം കളിച്ച 11 മത്സരങ്ങളില്‍ ജയിക്കാനായത് ഒന്നില്‍ മാത്രമാണ്. അതും ജനുവരിയില്‍. ഇംഗ്ലണ്ടിനെ മൂന്ന് വിക്കറ്റിനു പരാജയപ്പെടുത്തിയ ആ കഥയും പറയാനില്ലെങ്കില്‍ ഓസീസിന് തല ഉയര്‍ത്താനെ കഴിയില്ല. 4- 1 നായിരുന്നു ആ പരമ്പര ഇംഗ്ലീഷ് പട സ്വന്തമാക്കിയത്. പിന്നീട് നടന്ന ഏകദിന മത്സരത്തിലൊന്നും മഞ്ഞപ്പട ജയം തൊട്ടില്ല.
advertisement
ദക്ഷിണാഫ്രിക്കയ്‌ക്കെതിരെ ശേഷിക്കുന്ന മത്സരളിലും ഈ നിലയിലാണ് ഓസ്‌ട്രേലിയ കളിക്കുന്നതെങ്കില്‍ തുടര്‍ ജയങ്ങളുടെ പേരില്‍ റെക്കോര്‍ഡിട്ട ടീം എത്തുക ഒരു കലണ്ടര്‍ വര്‍ഷം ഒറ്റ മത്സരം മാത്രം ജയിച്ച് നാണക്കേടിന്റെ റെക്കോര്‍ഡില്‍ ഇടംപിടിച്ച ടീമുകള്‍ക്കൊപ്പമാകും. ഹോങ്കോങ്, നേപ്പാള്‍, ഹോളണ്ട്, പാപ്പുവ ന്യൂഗിനി എന്നീ ടീമുകളാണ് നിലവില്‍ ഈ പട്ടികയുടെ അവകാശികള്‍.
മുംബൈ പ്ലേ ഓഫിലെത്തിയാല്‍ ബൂംറ ഫിറ്റാണെങ്കില്‍ വിശ്രമം അനുവദിക്കാനാകില്ല; കോഹ്‌ലിയെ തള്ളി രോഹിത്
2017 ല്‍ പാകിസ്ഥാനെതിരായ പരമ്പര സ്വന്തമാക്കിയ ശേഷം ലോക ചാമ്പ്യന്മാര്‍ക്ക് ഒരു പരമ്പരയും ലഭിച്ചില്ലെന്നതും ശ്രദ്ധേയമാണ്. പന്ത് ചുരണ്ടല്‍ വിവാദത്തിലകപ്പെട്ട് സൂപ്പര്‍ താരങ്ങളായ സ്മിത്തും വാര്‍ണറും കളത്തിന് പുറത്തായതും ടീമിനെ ബാധിച്ചിട്ടുണ്ടെന്ന് വേണം കരുതാന്‍.