ഒളിമ്പിക് പ്രസ്ഥാനത്തിന്റെ പരമോന്നത തീരുമാനമെടുക്കുന്ന സ്ഥാപനമാണ് ഐഒസി സെഷൻ. 40 വർഷത്തെ ഇടവേളയ്ക്ക് ശേഷമാണ് ഐഒസി സെഷൻ ഇന്ത്യയിൽ തിരിച്ചെത്തുന്നത്. ഇതിനു മുമ്പ് 1983ൽ ഐഒസി സെഷന്റെ 86-ാമത് എഡിഷനാണ് ന്യൂഡൽഹി ആതിഥേയത്വം വഹിച്ചത്.
ഒളിമ്പിക് ചാർട്ടർ അംഗീകരിക്കുകയോ ഭേദഗതി ചെയ്യുകയോ ചെയ്യുക, ഐഒസി അംഗങ്ങളുടെയും ഭാരവാഹികളുടെയും തിരഞ്ഞെടുപ്പ്, ഒളിമ്പിക്‌സിന്റെ ആതിഥേയ നഗരത്തിന്റെ തിരഞ്ഞെടുപ്പ് എന്നിവ ഉൾപ്പെടെ ആഗോള ഒളിമ്പിക്‌സ് പ്രസ്ഥാനത്തിന്റെ പ്രധാന പ്രവർത്തനങ്ങളെക്കുറിച്ച് ചർച്ച ചെയ്യുകയും തീരുമാനാമെടുക്കുകയും ചെയ്യുന്നതാണ് ഒളിമ്പിക് സെഷൻ.
advertisement
രാജ്യത്തെ യുവജനങ്ങളും ഒളിമ്പിക് പ്രസ്ഥാനവും തമ്മിലുള്ള ഇടപഴകലിന്റെ ഒരു പുതിയ യുഗത്തിന്റെ തുടക്കമാണ് അഭിമാനകരമായ ഈ വേദി. ടോക്കിയോയിൽ നടന്ന കഴിഞ്ഞ ഒളിമ്പിക്‌സിൽ ഏഴ് മെഡലുകൾ നേടി, ട്രാക്ക് & ഫീൽഡിലെ ആദ്യ വ്യക്തിഗത സ്വർണ്ണ മെഡൽ ഉൾപ്പെടെ, എക്കാലത്തെയും ഉയർന്ന മെഡൽ നേട്ടവും, അടുത്തിടെ സമാപിച്ച ഏഷ്യൻ ഗെയിംസിൽ നിന്ന് എക്കാലത്തെയും ഉയർന്ന മെഡൽ നേട്ടവുമായി തിരിച്ചെത്തിയ ഇന്ത്യ ഒരു കായിക ശക്തിയായി ഉയർന്നുവരുന്നതിന്റെ കുതിപ്പിലാണ്.
“ഇന്ത്യയിലെ ഒളിമ്പിക് ഉത്സാഹം ഉണർന്ന് വളരുകയാണെന്ന് ഞങ്ങൾക്ക് ശരിക്കും കാണാനും മനസ്സിലാക്കാനും കഴിഞ്ഞു. ഹാങ്‌ഷൗവിൽ നടന്ന ഏഷ്യൻ ഗെയിംസിൽ നേടിയ മെഡലുകളുടെ റെക്കോർഡ് നേട്ടം ഇന്ത്യൻ ടീമിന്റെ പോസിറ്റീവ് ഫലമാണ് കാണുന്നത്. അതേസമയം, ഞങ്ങളുടെ ഒളിമ്പിക്‌സ് സോഷ്യൽ മീഡിയയിൽ ഒളിമ്പിക്‌സിനെ പിന്തുടരുന്നവരിൽ ഇന്ത്യ രണ്ടാം സ്ഥാനത്താണെന്നും നമുക്ക് കാ`ണാം,”ബാച്ച് വ്യാഴാഴ്ച പറഞ്ഞു.
‘ഞാൻ ഐഒസി സഹപ്രവർത്തകയും എന്റെ സുഹൃത്തുമായ നിത അംബാനിക്കൊപ്പം റിലയൻസ് ഫൗണ്ടേഷനും കുട്ടികൾക്കും യുവാക്കൾക്കും അവരുടെ കായികവും വിദ്യാഭ്യാസവുമായി ബന്ധപ്പെട്ട് അവർ നൽകുന്ന പരിപാടികളും സന്ദർശിച്ചു.റിലയൻസും അവരുടെ ടീമും അവിടെ ചെയ്യുന്ന കാര്യങ്ങൾ എനിക്ക് വളരെ മതിപ്പുളവാക്കുന്നു, കാരണം ഈ കേന്ദ്രത്തിൽ ഇന്ത്യയിലുടനീളമുള്ള കുട്ടികൾ ഉണ്ടെന്ന് നിങ്ങൾ മനസിലാക്കണം.അവരിൽ ഏറെയും പിന്നാക്ക കുടുംബങ്ങളിൽ നിന്നുള്ളവരാണ്, ”ബാച്ച് പറഞ്ഞു.
2022 ഫെബ്രുവരിയിൽ ബെയ്ജിംഗിൽ 139-ാമത് ഐഒസി സെഷനിൽ, നിതാ അംബാനിയുടെ നേതൃത്വത്തിലുള്ള ഇന്ത്യൻ പ്രതിനിധി സംഘം 2023 ലെ ഐഒസി സെഷന് ആതിഥേയത്വം വഹിക്കാൻ മുംബൈയ്ക്ക് മികച്ച സാധ്യത ഉണ്ടാക്കിയിരുന്നു, തുടർന്ന് ഇന്ത്യയുടെ സാമ്പത്തിക തലസ്ഥാനത്തിന് ഇതിനു വേണ്ടിയുള്ള ലേലത്തിൽ 99% വോട്ടുകളോടെ മികച്ച അംഗീകാരം ലഭിച്ചു.
“കുട്ടികൾക്ക് സ്കൂൾ വിദ്യാഭ്യാസം നൽകുന്നതിന് ഒപ്പം അത്ലറ്റുകളാകാനുള്ള പരിശീലനവും നൽകുന്നു. ഇത് നമ്മുടെ ഒളിമ്പിക് മൂല്യങ്ങളെയും സമീപനത്തെയും കൃത്യമായി പ്രതിഫലിപ്പിക്കുന്ന ഒന്നാണ്. ഒരു സ്വകാര്യ സ്ഥാപനമായ റിലയൻസ് ഫൗണ്ടേഷനാണ് ഇത് ചെയ്യുന്നതെന്ന് അറിയുന്നത് വളരെ ശ്രദ്ധേയവും പ്രോത്സാഹജനകവുമാണ്, ” ബാച്ച് വ്യക്തമാക്കി.
“രാഷ്ട്രീയ അധികൃതരും ഇതിനെ വളരെയധികം പിന്തുണയ്ക്കുന്നു. മഹാരാഷ്ട്രയിൽ മുഖ്യമന്ത്രിയുമായും അദ്ദേഹത്തിന്റെ ജീവനക്കാരുമായും ഞങ്ങൾ ഒരു കൂടിക്കാഴ്ച നടത്തി. അവരും കായിക പ്രസ്ഥാനത്തിന് പൂർണ്ണ പിന്തുണയാണ് നൽകുന്നത്. അതിനാൽ സമീപഭാവിയിൽ തന്നെ ഐ‌ഒ‌എയിൽ നിന്ന് ശുഭസൂചന ലഭിക്കുമെന്ന് ഞങ്ങൾ പ്രതീക്ഷിക്കുന്നു,” ഐഒസി പ്രസിഡന്റ് പറഞ്ഞു.
മുംബൈയിലെ അത്യാധുനിക ജിയോ വേൾഡ് കൺവെൻഷൻ സെന്ററിലാണ് ഐഒസി സെഷൻ സംഘടിപ്പിക്കുന്നത്. 2022 ന്റെ തുടക്കത്തിൽ പ്രവർത്തനം ആരംഭിച്ച ഇത് നഗരത്തിന്റെ ഹൃദയഭാഗത്ത് ബാന്ദ്ര കുർള കോംപ്ലക്‌സിൽ സ്ഥിതി ചെയ്യുന്ന ജെഡബ്ല്യുസി ഇന്ത്യയിലെ ഏറ്റവും വലിയ കൺവെൻഷൻ സെന്ററാണ്. നിത മുകേഷ് അംബാനി കൾച്ചറൽ സെന്ററിലെ (എൻഎംഎസിസി) ഗ്രാൻഡ് തിയേറ്ററിൽ എക്സിബിഷൻ ഹാളിൽ ഉദ്ഘാടന ചടങ്ങ് നടക്കും. എക്സിബിഷൻ ഹാൾ (പവലിയൻ) സെഷൻ യോഗത്തിന് വേദിയാകും.