COVID 19| മെയ് 11 വരെ ലോക്ക്ഡൗൺ നീട്ടി ഫ്രാൻസ്; ജൂലൈ പകുതി വരെ പൊതു പരിപാടികൾക്കും വിലക്ക്

ഫ്രാൻസിൽ ഇതുവരെ 9,8000 കോവിഡ് കേസുകളാണ് റിപ്പോർട്ട് ചെയ്തത്. 15,000 ഓളം പേർ ഇതിനകം മരിച്ചു. ‌കോവിഡ് പ്രതിരോധം വിജയം കണ്ടാൽ മാത്രമേ മെയ് 11 ന് ലോക്ക്ഡൗൺ പിൻവലിക്കുകയുള്ളൂവെന്നും അദ്ദേഹം വ്യക്തമാക്കി.

"മഹാമാരി നിയന്ത്രണവിധേയമാക്കാൻ ഇതുവരെ ആയിട്ടില്ല" എന്നായിരുന്നു ലോക്ക്ഡൗൺ നീട്ടിക്കൊണ്ടുള്ള പ്രസിഡന്റിന്റെ പരാമർശം.

മെയ് 11 ഓടെ സ്കൂളുകളും ഡേ കെയർ സെന്ററുകളും തുറക്കാനാകുമെന്നാണ് പ്രതീക്ഷ. എന്നാൽ പ്രായമായവർ അതിന് ശേഷവും വീട്ടിൽ തന്നെ തുടരണമെന്നും അദ്ദേഹം വ്യക്തമാക്കി.

കോവിഡ് ലക്ഷണവുമായി എത്തുന്ന എല്ലാവരേയും പരിശോധിക്കാനും എല്ലാവർക്കും മാസ്ക് നിർബന്ധമാക്കാൻ സർക്കാർ നിർദ‍േശം നൽകി.

അതേസമയം, യൂറോപ്യൻ യൂണിയൻ ഇതര രാജ്യങ്ങളിൽ നിന്നുള്ള യാത്രാ നിരോധനം മറ്റൊരു അറിയിപ്പുണ്ടാകുന്നത് വരെ തുടരുമെന്നും പ്രസിഡന്റ് ഇമ്മാനുവൽ മാക്രോൺ വ്യക്തമാക്കി.