'എക്സ്പോസ് ചെയ്യും പോലെ എളുപ്പമാണെന്ന് കരുതിയോ'; കമന്‍റിന് നടി അനസൂയയുടെ മറുപടി

തെന്നിന്ത്യന്‍ സിനിമാ ലോകത്ത് ഏറെ ആരാധകരുള്ള അഭിനേത്രിയാണ് തെലുങ്ക് താരം അനസൂയ ഭരദ്വാജ്. മമ്മൂട്ടിയെ നായകനാക്കി അമല്‍ നീരദ് ഒരുക്കിയ ഭീഷ്മപര്‍വ്വത്തില്‍  മൈക്കിളപ്പന്‍റെ ആലീസ് ആയി എത്തിയത് അനസൂയ ആയിരുന്നു,

ടെലിവിഷന്‍  ഷോകളില്‍ അവതാരകയായി തിളങ്ങിയതിന് പിന്നാലെയാണ് അനസൂയ സിനിമയില്‍ സജീവമാകുന്നത്. സോഷ്യല്‍ മീഡിയയില്‍ താരം പങ്കുവെക്കുന്ന ചിത്രങ്ങള്‍ക്കും ആരാധകരുണ്ട്.

സാരിയിലും മോഡേണ്‍ വസ്ത്രങ്ങളിലും ഗ്ലാമറസായി എത്താറുള്ള അനസൂയക്കെതിരെ പല കമന്‍റുകളും സോഷ്യല്‍ മീഡിയയില്‍ പ്രത്യക്ഷപ്പെടാറുണ്ട്. 

അടുത്തിടെ ഒരു അവാര്‍ഡ് നിശയില്‍ തെന്നിന്ത്യയിലെ പഴയകാല നടിമാരായ സാവിത്രി, ജമുന, ശ്രീദേവി, സൗന്ദര്യ എന്നിവരെ അനസൂയ പുനരാവിഷ്കരിച്ചിരുന്നു.

മണ്‍മറഞ്ഞു പോയ നടിമാരുടെ അതേലുക്കില്‍ അവരുടെ ഗാന രംഗങ്ങളാണ് അനസൂയ വേദിയില്‍ അവതരിപ്പിച്ചത്.

എന്നാല്‍ ഇതിന്‍റെ ചിത്രങ്ങള്‍ സമൂഹമാധ്യമങ്ങളില്‍ പങ്കുവെച്ചതോടെ അനസൂയക്കെതിരെ വ്യാപകമായ വിമര്‍ശനം പലകോണില്‍ നിന്നും ഉയര്‍ന്നു.

എന്നാല്‍ ഇതിന്‍റെ ചിത്രങ്ങള്‍ സമൂഹമാധ്യമങ്ങളില്‍ പങ്കുവെച്ചതോടെ അനസൂയക്കെതിരെ വ്യാപകമായ വിമര്‍ശനം പലകോണില്‍ നിന്നും ഉയര്‍ന്നു.

 ‘നടി സാവിത്രിയെ പോലെ അഭിനയിക്കുന്നത് എക്സ്പോസ് ചെയ്യുന്നത് പോലെ അത്ര എളുപ്പമല്ല’ എന്നായിരുന്നു ഫോട്ടോയ്ക്ക് ഒരാളുടെ കമന്റ്. ഇത് വൈറലായതോടെ അനസൂയ തന്നെ മറുപടിയുമായി രംഗത്തെത്തി.

' താങ്കള്‍ പറഞ്ഞത് ശരിയാണ്. സാവിത്രി അമ്മയെ പോലെ അഭിനയിക്കുക എന്നത് വളരെ പ്രയാസമുള്ള കാര്യമാണ്. ഞാൻ അവർക്ക് ട്രിബ്യൂട്ട് നൽകുക മാത്രമാണ് ചെയ്തത്.

'അതുപോലെ എക്സ്പോസ് ചെയ്യുക എന്നതും അത്ര എളുപ്പമുള്ള കാര്യമല്ല. മാനസികവും ശാരീരികവുമായ തയാറെടുപ്പുകൾ അതിന് ആവശ്യമാണ്. എന്ത് ധരിച്ചാലും കോൺഫിഡന്റാകണം’. അനസൂയ കുറിച്ചു.

നടിയുടെ റിപ്ലേ വന്നതോടെ നിരവധി പേരാണ് അനസൂയയുടെ കമന്റിന് പിന്തുണയുമായെത്തുന്നത്.നേരത്തെ വിജയ് ദേവരകൊണ്ടയ്‌ക്കൊപ്പം അനസൂയ മറ്റൊരു വിവാദത്തിൽ പെട്ടിരുന്നു.

സോഷ്യൽ മീഡിയയിൽ തന്നെ ട്രോളാൻ നടന്‍റെ പിആർ ടീം പണം നൽകിയെന്ന് അനസൂയ ആരോപിച്ചിരുന്നു. അർജുൻ റെഡ്ഡി എന്ന സിനിമയില്‍ അമ്മമാരെയും സഹോദരിമാരെയും അപമാനിക്കാന്‍  ഉദ്ദേശിച്ചുള്ള മോശം വാക്കുകൾ ഉപയോഗിച്ചതിന് അനസൂയ പരസ്യമായി വിമർശിച്ചതോടെയാണ് വിവാദം ആരംഭിച്ചത്.

ശ്രീകാന്ത് അദ്ദാലയുടെ പെഡ്ഡ കാപ്പു 1 എന്ന ചിത്രത്തിലാണ് അനസൂയ അവസാനമായി ഒരു പ്രധാന വേഷത്തിൽ അഭിനയിച്ചത്. ചിത്രത്തിന് ഏറെ പ്രതീക്ഷകളുണ്ടായിരുന്നുവെങ്കിലും പ്രേക്ഷകരിൽ ഒരു സ്വാധീനം ചെലുത്തുന്നതിൽ പരാജയപ്പെട്ടു. അല്ലു അർജുന്റെ ഏറ്റവുമധികം കാത്തിരിക്കുന്ന തുടർച്ചയായ പുഷ്പ: ദി റൂളില്‍ അനസൂയ അഭിനയിക്കുന്നുണ്ട്.