'തന്റെ എല്ലാകാലത്തേയും ഏറ്റവും മികച്ച പിറന്നാൾ സമ്മാനം'; ഒരുമിച്ച് പിറന്നാൾ കേക്ക് മുറിച്ച് നസ്രിയയും സഹോദരനും

മലയാളി പ്രേക്ഷകരിൽ കുട്ടിത്തം നിറച്ച നടി. മലയാള സിനിമാ താരങ്ങളുടെ അനിയത്തിക്കുട്ടി. അങ്ങനെ എല്ലാവർക്കും സുപരിചിതാണ് നസ്രിയ. മലയാളി പ്രേക്ഷകരുടെ പ്രിയങ്കരിയായ നസ്രിയ നസിമിന്റെ ജന്മദിനമായിരുന്നു കഴിഞ്ഞ ദിവസം.

താരത്തിനു പിറന്നാൾ ആശംസകളുമായി നിരവധി താരങ്ങളാണ് രംഗത്ത് വന്നത്. ഇപ്പോഴിതാ താരത്തിന്റ പിറന്നാൾ ആഘോഷത്തിന്റെ ചിത്രങ്ങളാണ് സമൂഹ മാധ്യമത്തിൽ വൈറലാക്കുന്നത്.

നസ്രിയ സഹോദരൻ നവീൻ നസീമിന്റെയും ജന്മദിനത്തിന്റെ കേക്ക് ഒന്നിച്ച് മുറിക്കുന്നതിന്റെ ചിത്രമാണ് താ‍രം പങ്കുവച്ചിരിക്കുന്നത്. തന്റെ എല്ലാകാലത്തേയും ഏറ്റവും മികച്ച പിറന്നാൾ സമ്മാനം അനിയനാണ് എന്നാണ് നസ്രിയ പറയാറുള്ളത്.

ഇത് കൂടാതെ താരത്തിനു ആശംസയറിയിച്ച് ദുൽഖർ സൽമാൻ, പൃഥ്വിരാജ്, മഞ്ജു വാര്യർ അടക്കമുള്ള താരങ്ങളും എത്തിയിരുന്നു.

കുഞ്ഞിപ്പെണ്ണേ. എന്റെ കുഞ്ഞിക്ക് ഏറ്റവും സന്തോഷകരമായ ജന്മദിനമാവട്ടെ. സന്തോഷവും നിറങ്ങളും കൊണ്ട് എന്നെന്നും ഞങ്ങളുടെ ജീവിതം നിറയ്ക്കാൻ നിനക്കു കഴിയട്ടെ എന്ന് കുറിച്ച് കൊണ്ടാണ് ദുൽഖർ സൽമാൻ ആശംസ നേർന്നത്.

അതിമനോഹാരിയായ പെൺകുട്ടിക്ക് ജന്മദിനാശംസകൾ എന്നാണ് മഞ്ജു വാരിയർ കുറിച്ചത്.

കുഞ്ഞനിയത്തി എന്ന് പറഞ്ഞാണ് പൃഥ്വിരാജ് ആശംസ അറിയിച്ചിട്ടുള്ളത്