' ഓടിപ്പിടിച്ച് കല്യാണം കഴിച്ച് ഇപ്പോൾ ഇതാണ് അവസ്ഥ'; അനുഭവിക്കെന്ന് പ്രേം; സ്വാസിക

ചുരുക്കം ചിത്രത്തിലൂടെ എത്തി പ്രേക്ഷത മനസ്സിൽ ഇടം നേടിയാ താരമാണ് നടി സ്വാസിക. ഈയിടെയ്ക്കാണ് താരത്തിന്റെ വിവാഹം നടന്നത്. സീരിയൽ നടൻ പ്രേം ജേക്കബാണ് ഭർത്താവ്. മനം പോലെ മാം​ഗല്യം എന്ന സീരിയലിനിടെയാണ് ഇരുവരും പ്രണയത്തിലായത്.

പിന്നീട് ഇത് വിവാഹത്തിലേക്ക് നീങ്ങുകയായിരുന്നു. താരദമ്പതികളുടെ അത് കഴിഞ്ഞുള്ള വിശേഷങ്ങളെക്കെ ആരാധകർ ഇരു കയ്യും നീട്ടിയാണ് സ്വീകരിച്ചത്. ഇപ്പോഴിതാ വിവാഹത്തിനു ശേഷമുള്ള ജീവിതത്തെ പറ്റ് സംസാരിക്കുകയാണ് താരം. ഒരു ഓണ്‍ലൈൻ മാധ്യമത്തിനു നൽകിയ അഭിമുഖത്തിലാണ് താരം മനസ്സ് തുറന്നത്.

കല്യാണം കഴിക്കണമെന്ന പ്ലാനിം​ഗ് ഉണ്ടായിരുന്നില്ല. രണ്ട് വീട്ടുകാരുടെ ഭാ​ഗത്ത് നിന്നും നല്ല രീതിയിലുള്ള സപ്പോർട്ട് കിട്ടിയപ്പോൾ അവരുടെ മനസ് മാറും മുമ്പ് വേ​ഗം തന്നെ കല്യാണം കഴിച്ചേക്കാം എന്ന് കരുതുകയായിരുന്നുവെന്നും തന്റെ അച്ഛൻ ലീവിന് വന്ന സമയമായിരുന്നു അതെന്നും സ്വാസിക പറ‍ഞ്ഞു.

അച്ഛന് ലീവുള്ള ആ നാല് മാസത്തിനുള്ളിൽ വേ​ഗം വിവാഹം നടത്താൻ തീരുമാനിക്കുകയായിരുന്നെന്ന് സ്വാസിക വ്യക്തമാക്കി. പെട്ടെന്ന് വിവാഹം ചെയ്തതിൽ പലരെയും ക്ഷണിക്കാൻ പറ്റിയില്ലെന്ന് സ്വാസിക പറയുന്നു.

സേവ് ദ ഡേറ്റോ എൻ​ഗേജ്മെന്റോ ഉണ്ടായിരുന്നില്ല. കല്യാണത്തിന് ഡ്രസ് എ‌ടുക്കാനോ മറ്റോ ഞങ്ങൾ രണ്ട് പേരും ഒരുമിച്ച് പോയിട്ടില്ല.

വിവാഹം കഴിഞ്ഞ് രണ്ട് ദിവസം കഴിഞ്ഞ് താൻ ഷൂട്ടിന് പോയെന്നും പിന്നെ 22 ദിവസം കഴിഞ്ഞാണ് കണ്ടതെന്നും സ്വാസിക പറഞ്ഞു. അത് കഴിഞ്ഞ് വീണ്ടും ഷൂട്ടിന് പോയി.

ഇതിനു ശേഷം ഇപ്പോൾ എന്തായി എന്ന് പ്രേം ചോദിക്കും. ഓടിപ്പിടിച്ച് കല്യാണം കഴിച്ച് കാണാനും ഇരിക്കാനും സമയമില്ല, അനുഭവിച്ചോ എന്ന് പ്രേം പറഞ്ഞെന്നും സ്വാസിക ചൂണ്ടിക്കാട്ടി.