Ahaana Krishna: സ്നേഹനിധിയും ആർക്കും സമീപിക്കാവുന്നതുമായ വ്യക്തിത്വം; മുഖ്യമന്ത്രിക്കൊപ്പമുള്ള സെൽഫിയുമായി അഹാന കൃഷ്ണ

സോഷ്യൽ മീഡിയയിൽ തന്റേതായ ഒരു ഫാന‍്‍ ബേസുള്ള നടിയും ഇന്‍ഫ്‌ളുവന്‍സറുമാണ് അഹാനാ കൃഷ്ണ. ഏതൊരു കാര്യത്തിലുമുള്ള താരത്തിന്റെ കൃത്യവും വ്യക്തവുമായ നിലപാടുകൾ കയ്യടി നേടാറുണ്ട്.

അച്ഛന് കൃഷ്ണ കുമാറിന്റെ രാഷ്ട്രീയ നിലപാടുകൾ സംബന്ധിച്ച് തനിക്കും കുടുംബത്തിനും നേരെ വരുന്ന ട്രോളുകൾ തുടങ്ങി സഹോദരി ദിയ കൃഷ്ണയുടെ സ്ഥാപനത്തിലെ പണത്തട്ടിപ്പുമായി ബന്ധപ്പെട്ട വിഷയങ്ങളിലെ താരത്തിന്റെ ഇടപെടലുകൾ വരെ കയ്യടി നേടിയിരുന്നു.

ഇപ്പോഴിതാ അഹാനാ കൃഷ്ണ ഞായറാഴ്ച ഇന്‍സ്റ്റഗ്രാമില്‍ പങ്കുവെച്ച സ്റ്റോറിയാണ് സോഷ്യല്‍ മീഡിയയില്‍ ശ്രദ്ധയാകുന്നത്. മുഖ്യമന്ത്രി പിണറായി വിജയനൊപ്പമുള്ള സെല്‍ഫിയാണ് അഹാന പോസ്റ്റ് ചെയ്തത്.

ഒരു വിമാനയാത്രയ്ക്കിടയില്‍ യാദൃച്ഛികമായി  മുഖ്യമന്ത്രി പിണറായി വിജയനെ കാണാനിടയായപ്പോഴാണ് താരം ഈ ചിത്രം പക‍ർത്തിയത്. സ്നേഹനിധിയും ആർക്കും സമീപിക്കാവുന്നതുമായ വ്യക്തിത്വവും എന്നാണ് അഹാന ഇന്‍സ്റ്റഗ്രാം സ്റ്റോറിയില്‍ കുറിച്ചത്.

ഇന്‍സ്റ്റഗ്രാം സ്‌റ്റോറിയായതിനാല്‍ ആരാധകര്‍ക്ക് അഹാനയുടെ ചിത്രത്തിന് താഴെ നേരിട്ട് കമന്റ് ചെയ്യാന്‍ സാധിക്കില്ല. എന്നിരുന്നാലും താരത്തിന്റെ സ്റ്റോറിയുടെ സ്ക്രീൻ ഷോട്ട് സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.