ഇവിടെ വളർന്ന് മലയാളത്തിന്റെ അതുല്യ നായികയായി; നാഗർകോവിലിലെ വീടിന്റെ ഉടമ ആരെന്നറിയുമോ?

സുഖലോലുപതയിൽ വളർന്ന് വന്നവരല്ല, നമ്മുടെ ചലച്ചിത്ര താരങ്ങളിൽ പലരും. കഷ്‌ടപ്പാടുകളോ, ലളിത ജീവിതമോ, ഇല്ലായ്മയോ ഒക്കെ താണ്ടിയാകും അവർ ഇന്ന് കാണുന്ന നിലയിലെത്തിയത്. തീർത്തും സ്വാഭാവികത നിറഞ്ഞ ഈ തെരുവ് സമ്മാനിച്ചത് മലയാള സിനിമയിലെ ഒരു അതുല്യ നായികയെയാണ്. പക്ഷെ സ്ഥലം കേരളമല്ല

ഇന്ന് തമിഴ്നാടിന്റെ ഭാഗമായ നാഗർകോവിലിലെ ഒരു അഗ്രഹാരമാണ് ഇത്. ഇവിടെ നിന്നും ഒരു നടി ഉണ്ടായി എന്ന് പറഞ്ഞാൽ പൂർണമാകില്ല. രണ്ടു പേരാണ് യഥാർത്ഥത്തിൽ ഇവിടെ സൃഷ്‌ടിക്കപ്പെട്ടത്. ആ മുൻകാല നായികയെയും, ആ നായികയുടെ മകളെയും. മകൾ ഇവിടെ വളർന്നില്ല എന്നാലും തറവാട് എന്ന് പറയാൻ ഇവിടം തന്നെയാണുള്ളത് (തുടർന്ന് വായിക്കുക)

തിരിക്കുറംകുടി അഗ്രഹാരം എന്നാണ് ഈ സ്ഥലത്തിന്റെ പേര്. കഴിഞ്ഞ വർഷം, താരം മൂന്നു തലമുറകൾക്കൊപ്പം ഇവിടം സന്ദർശിച്ചിരുന്നു. അമ്മയും, രണ്ടു പെൺമക്കളും, മകളുടെ ഭർത്താവും കൂടെ ഉണ്ടായിരുന്നു

നടി മേനക സുരേഷ്‌കുമാർ അഥവാ പത്മാവതി അയ്യങ്കാർ ജനിച്ചു വളർന്ന സ്ഥലമാണിവിടം. ഇന്നും ഈ അഗ്രഹാരം അതുപോലെ സംരക്ഷിച്ചിരിക്കുന്നു. അധ്യാപകരായ രാജഗോപാൽ, സരോജ ദമ്പതികളുടെ നാല് മക്കളിൽ ഒരാളായാണ് മേനകയുടെ ജനനം

അമ്മ സരോജ, മക്കളായ കീർത്തി, രേവതി, രേവതിയുടെ ഭർത്താവ് എന്നിവർക്കൊപ്പമാണ്‌ മേനക സ്വന്തം നാട് സന്ദർശിക്കാൻ എത്തിയത്. അഗ്രഹാരം മാത്രമല്ല, കീർത്തി ഇവിടുത്തെ മനോഹരമായ അമ്പലവും കണ്ട ശേഷമാണ് മടങ്ങിയത്

തിരിക്കുറംകുടിയിലെ എട്ടാം നൂറ്റാണ്ടു കാലത്തെ ക്ഷേത്രത്തിലാണ് കീർത്തി സുരേഷ് ഈ ചിത്രത്തിൽ. മേനകയുടെയും കീർത്തിയുടെയും പേരിൽ മാത്രമല്ല ഇവിടം അറിയപ്പെടുന്നത്. ടി.വി.എസ്. മോട്ടോർസ് സ്ഥാപകൻ ടി.വി. സുന്ദരം അയ്യങ്കാർ ഈ നാട്ടുകാരനാണ്