Anuskha Sharma Pregnant| അനുഷ്കയ്ക്കും കോഹ്ലിക്കും ആശംസകളുമായി സിനിമാ-ക്രിക്കറ്റ് ലോകം

ഇന്ന് രാവിലെയാണ് അനുഷ്കയും കോഹ്ലിയും ആ സന്തോഷ വാർത്ത ലോകത്തെ അറിയിച്ചത്.

ജീവിതത്തിലേക്ക് പുതിയൊരാൾ കൂടി എത്തുകയാണ്. അടുത്ത വർഷം ജനുവരിയിൽ ആദ്യത്തെ കൺമണി ഇങ്ങെത്തും.

ഇതോടെ ഇന്റർനെറ്റിൽ വൈറൽ ടോപ്പിക്കായി മാറിയിരിക്കുകയാണ് അനുഷ്കയുടേയും കോഹ്ലിയുടേയും വിശേഷം.

ആശംസകളുമായി ആരാധകർ എത്തി. പിന്നാലെ അഭിനന്ദന പ്രവാഹം. സിനിമാ-ക്രിക്കറ്റ് ലോകത്തെ താരങ്ങളുടെ സന്തോഷം ആഘോഷമാക്കുകയാണ് പ്രമുഖ താരങ്ങൾ.

സിനിമാ ലോകത്തെ പ്രമുഖരെല്ലാം ഇരുവർക്കും ആശംസകളുമായി എത്തി.

ബോളിവുഡിൽ ആലിയ ഭട്ടും കത്രീന കൈഫുമാണ് ആദ്യം ആശംസയറിയിച്ച പ്രമുഖർ.

സാമന്തയും ഇരുവരുടേയും സന്തോഷത്തിൽ പങ്കു ചേർന്നു.

ക്രിക്കറ്റ് ലോകത്തെ വലിയ വിശേഷം കൂടിയാണ് ക്യാപ്റ്റന്റെ സ്വകാര്യ സന്തോഷം.

ബിസിസിഐയും കോഹ്ലിയുടെ ഐപിഎൽ ടീമായ റോയൽ ചാലഞ്ചേഴ്സ് ബാംഗ്ലൂരും ഇരുവർക്കും ആശംസകൾ നേർന്നു.

താപ്സി പന്നു, വരുൺ ധവാൻ, കിയാര അദ്വാനി, കാജൽ അഗർവാൾ, പരിനിതീ ചോപ്ര, മൗനി റോയ്, ദിയ മിർസ, നീതി മോഹൻ, വാണി കപൂർ, റിയ കപൂർ എന്നീ താരങ്ങളും അനുഷ്കയ്ക്കും കോഹ്ലിക്കും ആശംസകൾ നേർന്നു.

ക്രിക്കറ്റ് താരങ്ങളായ യുസ് വേന്ദ്ര ചഹാൽ, ക്രിസ് ഗെയിൽ, അജിങ്ക്യ രഹാനെ, ഉമേഷ് യാദവ്, ചേതേശ്വർ പൂജാര തുടങ്ങിയ താരങ്ങളും ആശംസയുമായി എത്തിയിട്ടുണ്ട്.