അർച്ചന കവിയുടെ മേക്കോവർ; ഗ്ലാമർ ചിത്രങ്ങൾ വൈറലാകുന്നു

'അനുരാഗവിലോചനനായി' എന്ന ഒരൊറ്റ ഗാനരംഗത്തിലൂടെ മലയാള സിനിമാ പ്രേക്ഷകരുടെ മനസിൽ ഇടംനേടിയ അഭിനേത്രിയാണ് അർച്ചന കവി. പിന്നീട് സിനിമകളിൽ അഭിനയിച്ച അർച്ചന കവിക്ക് ഏറെ ജനപ്രീതി നൽകിയ ഗാനരംഗമായിരുന്നു നീലത്തമരയിലേത്. 2009ൽ പുറത്തിറങ്ങിയ നീലത്താമരയിലൂടെയായിരുന്നു അർച്ചന സിനിമയിൽ എത്തിയത്.

മലയാളത്തിൽ തിളങ്ങിയ അർച്ചന കവി പിന്നീട് തമിഴിലും തെലുങ്കിലും ശ്രദ്ധേയമായ വേഷങ്ങൾ ചെയ്തു. 2012ൽ ഇറങ്ങിയ ആരാവാൻ എന്ന സിനിമയിൽ ശ്രദ്ധേയമായ അഭിനയമാണ് അർച്ചന കവി കാഴ്ചവെച്ചത്. 2016ൽ പുറത്തിറങ്ങിയ ദൂരം എന്ന മലയാള ചിത്രത്തിലാണ് അർച്ചന അവസാനമായി അഭിനയിച്ചത്.

വിവാഹത്തോടെ സിനിമാ അഭിനയം വിട്ട അർച്ചന കവി സമൂഹമാധ്യമത്തിൽ പ്രത്യേകിച്ചും ഇൻസ്റ്റാഗ്രാമിൽ സജീവമാണ്.

താരത്തിന്‍റെ ഫോട്ടോഷൂട്ടും റീൽസും ഇൻസ്റ്റാഗ്രാമിൽ വൈറലാകാറുണ്ട്. ആയിരകണക്കിന് ആരാധകരാണ് ഇൻസ്റ്റാഗ്രാമിൽ അർച്ചന കവിയെ പിന്തുടരുന്നത്.

വിവാഹബന്ധം അധികനാൾ നീണ്ടുനിന്നില്ലെങ്കിലും അർച്ചന കവി പിന്നീട് സിനിമയിലേക്ക് ഒരു തിരിച്ചുവരവ് നടത്തിയിട്ടില്ല. എന്നാൽ അടുത്തിടെയായി ആരാധകരുടെ ഇഷ്ടംനേടുന്ന ഫോട്ടോഷൂട്ടുകളും റീലുകളുമായി അർച്ചന കവി ഇൻസ്റ്റയിൽ നിറഞ്ഞുനിൽക്കുന്നുണ്ട്.

അർച്ചന കവി ഏറ്റവും ഒടുവിൽ പോസ്റ്റ് ചെയ്ത ചിത്രങ്ങൾ ഇതിനോടകം സമൂഹമാധ്യമങ്ങളിൽ വൈറലായി കഴിഞ്ഞു. ഒരു ബീച്ചിൽ സൂര്യാസ്തമയം ആസ്വദിക്കുന്ന അർച്ചന കവിയെയാണ് ചിത്രത്തിൽ കാണാനാകുന്നത്.  സമൂഹമാധ്യമങ്ങളിൽ സജീവമായ അർച്ചന കവി സിനിമയിലേക്കു ഉടൻ തിരിച്ചുവരുമോയെന്നാണ് ആരാധകർ ഉറ്റുനോക്കുന്നത്.