വിശ്വസിച്ചാലും ഇല്ലെങ്കിലും; ഈ പ്രാവിനെ വിറ്റത് 10 കോടി രൂപയ്ക്ക്

പണം ഒരു പ്രശ്നമല്ലെങ്കിൽ പ്രാവ് വളർത്താൻ കോടികൾ ചെലവഴിച്ചാലോ?. രണ്ട് ചൈനക്കാർ മത്സരിച്ച് ലേലത്തിൽ പങ്കെടുത്തപ്പോൾ പ്രാവ് വിറ്റുപോയത് 1.25 ദശലക്ഷം യൂറോയ്ക്ക്. അതായത് ഏകദേശം 9 കോടി 79 ലക്ഷം രൂപ

വെറും പ്രാവല്ല ഇത്. അർമാൻഡോ എന്നാണ് ഈ പ്രാവിന് പേര് . പ്രാവ് പറത്തൽ മത്സരങ്ങൾക്ക് വേണ്ടി പ്രത്യേകം വളർത്തുന്ന പ്രാവാണ്. ബെൽജിയത്തിലെ ബ്രസൽസിൽ നടന്ന ലേലത്തിലാണ് പ്രാവിന് ഇത്രയും വിലകിട്ടിയത്

ഏറ്റവും കൂടുതൽ ദൂരം ഒറ്റയടിക്ക് താണ്ടാൻ കെൽപ്പുള്ള പ്രാവ് എന്ന റെക്കോഡ് സ്വന്തമായുള്ള പക്ഷിയാണിത്. ലേലം മുറുകിയപ്പോൾ മുമ്പത്തെ റെക്കോഡ് ആയ 3.76 ലക്ഷം യൂറോ ഈ പ്രാവ് ഭേദിക്കും എന്ന് അറിയാമായിരുന്നു. എങ്കിലും ഒരു ദശലക്ഷം യൂറോ വില കടക്കുമെന്ന് ആരും കരുതിയില്ല

മൊത്തം 1,252,000 യൂറോയാണ് പക്ഷിക്കുവേണ്ടി ചെലവാക്കിയത്. പീജ്യൺ പാരഡൈസ് എന്ന വെബ്‌സൈറ്റ് ആണ് ലേലം നടത്തിയത്. ആർക്കാണ് വിൽപ്പന നടത്തിയത് എന്ന് ഇവർ വ്യക്തമാക്കിയിട്ടില്ല

ബെൽജിയം, ബ്രിട്ടൺ, ഫ്രാൻസ്, നെതർലൻഡ്‌സ് തുടങ്ങിയ സ്ഥലങ്ങളിലെ വിനോദമാണ് പ്രാവ് പറത്തൽ. നൂറ് കണക്കിന് കിലോമീറ്ററുകൾ സഞ്ചരിക്കാൻ മടിയില്ലാത്ത പ്രാവുകളാണ് ഇവ. അതുകൊണ്ടാണ് ഇവയ്ക്ക് ഇത്രയും വില ലഭിക്കുന്നത്

178 പ്രാവുകളും കുഞ്ഞുങ്ങളും ലേലത്തിൽ‌ വിറ്റുപോയി. ആകെ 17 കോടി രൂപക്കാണ് പ്രാവുകൾ വിറ്റുപോയത്. ചിറകുകളുടെ ശക്തിയാണ് ഈ പ്രാവുകളുടെ പ്രത്യേകത