ലോക്ക്ഡൗൺ കാലത്ത് ആരും ഇതുപോലെ സമയം ചിലവഴിച്ചിട്ടുണ്ടാവില്ല; ഒഴിവു വേളയിൽ കപ്പൽ നിർമ്മിച്ച് ഒരാൾ

എറണാകുളം പൊന്നുരുന്നി സ്വദേശി ജിജോ ലോക്ക്ഡൗൺ നാളുകളിൽ വെറുതെ ഇരുന്നില്ല. ഒന്നരമാസത്തെ കഠിനാധ്വാനം  കൊണ്ട് ഒരു കപ്പൽ നിർമ്മിച്ചു. പ്ലൈവുഡും പി.വി.സി. ഫോം ഷീറ്റും ഉപയോഗിച്ചുകൊണ്ടാണ് നിർമ്മാണം

വർഷങ്ങളായി കപ്പൽ നിർമ്മാണ മേഖലയെ കുറിച്ച് അടുത്തറിഞ്ഞ ജിജോയുടെ മനസിൽ നേരത്തെ ഉണ്ടായിരുന്ന  ആഗ്രഹമായിരുന്നു സ്വന്തമായി ഒരു കപ്പൽ നിർമ്മിക്കുകയെന്നത്

ലോക്ക്ഡൗൺ കാലം എങ്ങനെ ഫലപ്രദമായി ഉപയോഗിക്കാം എന്ന ചിന്ത ഒടുവിൽ എത്തിച്ചതും കപ്പൽ  നിർമ്മിക്കാം എന്ന ആശയത്തിലാണ്

ആദ്യമായി ഉണ്ടാക്കിയ കപ്പൽ മാതൃകയ്ക്ക് സുഹൃത്തുക്കളിൽ നിന്ന് ഉൾപ്പെടെ മികച്ച പ്രതികരണം ലഭിച്ചതും ജിജോക്ക്‌  പ്രോത്സാഹനമായി

വെള്ളത്തിലൂടെ സഞ്ചരിക്കുന്ന കപ്പലിന്റെ മാതൃകയാണ്  ജിജോ നിർമ്മിച്ചത്. ആളുകൾക്ക് സഞ്ചരിക്കാൻ കഴിയുന്ന കപ്പൽ നിർമ്മിക്കുകയെന്നതാണ് തന്റെ അടുത്ത ലക്ഷ്യമെന്ന് ജിജോ പറയുന്നു

ദിവസങ്ങളോളം സമയം എടുത്ത് പ്ലൈവുഡ് കപ്പലിന്റെ വിവിധ ഭാഗങ്ങളുടെ മാതൃകയിൽ കട്ട് ചെയ്ത്  പി.വി.സി. ഫോം ഷീറ്റും ഉപയോഗിച്ച് ഒന്നര മാസത്തെ നിർമ്മാണ പ്രവർത്തനങ്ങളിലൂടെയാണ് ജിജോ തന്റെ സ്വപ്നം സാക്ഷാത്കരിച്ചത് 

ലോക്ക്ഡൗൺ കാലത്ത് ആരും ഇതുപോലെ സമയം ചിലവഴിച്ചിട്ടുണ്ടാവില്ല; ഒഴിവു വേളയിൽ കപ്പൽ നിർമ്മിച്ച് ഒരാൾ

ജിജോയുടെ കപ്പൽ