'സൂര്യാഘാതം ഏൽക്കാതെ നോക്കിക്കോളൂ; ഗോപികയ്ക്കൊരു സൺസ്‌ക്രീൻ വാങ്ങികൊടുക്കണേ'; ജിപിയെ ട്രോളി പേളി മാണി

ആരാധകർ ഏറെയുള്ള പ്രിയ താരദമ്പതികളാണ് പേളി- ശ്രീനിയും ഗോവിന്ദ് പദ്മസൂര്യയും- ഗോപിക അനിലും. ഇരുവരും അടുത്ത സുഹൃത്തുക്കളാണ് . ജി പി ഗോപിക വിവാഹത്തിനു തന്റെ രണ്ടാമത്തെ പ്രസവത്തെ തുടർന്ന് പേളിക്ക് എത്താാസാധിച്ചിരുന്നില്ല.

ആ സങ്കടമൊക്കെ ജിപിക്കും ഗോപികയ്ക്കുമൊപ്പം തന്റെ ഫോട്ടോ ഫോട്ടോഷോപ്പ് ചെയ്തത് പങ്കുവച്ചുകൊണ്ടാണ് താരം പറഞ്ഞത്. എന്നാൽ ഇപ്പോഴിതാ തന്റെ ആത്മസുഹൃത്തായ ജിപിയെ ട്രോളിയുള്ള പേളിയുടെ കമന്റാണ് സോഷ്യൽ മീഡിയയിൽ വൈറലാകുന്നത്.

ഗോപിക പങ്കുവച്ച ഫോട്ടോയിലാണ് പേളി രസകരമായ കമന്റുമായി എത്തിയത്.

"സൂര്യനാൽ ചുറ്റപ്പെട്ടിരിക്കുന്നു" എന്ന ക്യാപ്‌ഷനോടെ ഹണിമൂൺ യാത്രക്കിടയിൽ നിന്നും എടുത്ത ചേർത്ത് പിടിച്ചിരിക്കുന്ന ജിപിയുടെ കൈക്കൊപ്പം സൂര്യാസ്തമയം കാണുന്ന ദൃശ്യങ്ങൾ ആണ് ഗോപിക സമൂഹമാധ്യമങ്ങളിൽ പങ്കുവച്ചത്.

ഈ ഫോട്ടോയ്ക്ക് താഴെയാണ് രസകരമായ കമന്റുമായി പേളി എത്തിയിരിക്കുന്നത്. "സൂര്യാഘാതം ഏൽക്കാതെ നോക്കിക്കോളൂ" എന്ന് പറഞ്ഞ ശേഷം ജിപിയെ മെൻഷൻ ചെയ്ത് "അവൾക്കൊരു സൺസ്‌ക്രീൻ വാങ്ങികൊടുക്കണേ" എന്നും പേളി പറഞ്ഞിട്ടുണ്ട്.

പേളിയുടെ കമന്റ കണ്ടതോടെ നിരവധി ആരാധകരാണ് തടിച്ച്കൂടിയത്. കമന്റിന് ലൈക്കും റീപ്ലയും നൽകികൊണ്ട് എത്തിയിരിക്കുന്നത്. കൂടുതൽ ആളുകളും ചോദിക്കുന്നത് എപ്പോഴാണ് നിങ്ങളെ എല്ലാവരെയും ഒരു വ്ലോഗിൽ ഒരുമിച്ച് കാണാൻ സാധിക്കുന്നത് എന്നാണ്.

ഡി ഫോർ ഡാൻസിന്റെ അവതാരകർ ആയിരുന്ന കാലം മുതൽ തുടങ്ങിയ സൗഹൃദമാണ് ജിപിയും പേളിയും തമ്മിൽ. നിരവധി തവണ ഇരുവരും തമ്മിൽ പ്രണയമാണ് എന്ന് ഗോസിപ്പുകൾ വന്നപ്പോഴും അതൊന്നും ശ്രദ്ധിക്കാതെ ശക്തമായ സൗഹൃദവുമായി ഇരുവരും മുന്നോട്ട് പോകുകയായിരുന്നു.