pearlemaany| പേളി മാണി പെൺകുഞ്ഞിന്‍റെ അമ്മയായി

ചലച്ചിത്രതാരവും ടിവി അവതാരകയും മോഡലുമായ പേളി മാണി പെൺകുഞ്ഞിന് ജന്മം നൽകി. ഭർത്താവ് ശ്രീനിഷ് ഇൻസ്റ്റാഗ്രാമിലൂടെ അറിയിച്ചതാണ് ഇക്കാര്യം.

'ഞങ്ങൾക്കൊരു പെൺകുഞ്ഞിനെ ലഭിച്ചിരിക്കുന്നു. പേളി മാണിയും കുഞ്ഞും സുരക്ഷിതരും ആരോഗ്യത്തോടെയുമിരിക്കുന്നു. ഞങ്ങൾക്കുവേണ്ടി പ്രാർഥിച്ച എല്ലാവർക്കും നന്ദിയും സ്നേഹവും'- ശ്രനിഷ് ഇൻസ്റ്റഗ്രാമിൽ കുറിച്ചു

2018 ലെ ബിഗ് ബോസ് റിയാലിറ്റി ഷോയുടെ ആദ്യ സീസണിലാണ് പേളിയും ശ്രീനിഷും പ്രണയത്തിലാകുന്നത്. തുടർന്ന് 2019 ജനുവരി 17 ന്, പേളി മാണി ശ്രീനിഷ് അരവിന്ദുമായി ഒരു സ്വകാര്യ ചടങ്ങിൽ വിവാഹനിശ്ചയം നടത്തി.

2019 മെയ് 5 ന് ദമ്പതികൾ ക്രിസ്ത്യൻ ആചാരപ്രകാരം വിവാഹിതരായി, 2019 മെയ് 8 ന് അവർ ഒരു ഹിന്ദു വിവാഹ ചടങ്ങും നടത്തി.

2021 മാർച്ച് 20-ന് പേളി മാണി അവരുടെ മകൾ നില ശ്രീനിഷിനെ പ്രസവിച്ചു. പേളി മാണിയും ശ്രീനിഷും നിളയും സോഷ്യൽ മീഡിയയിൽ താരങ്ങളാണ്. പേളിയും ശ്രീനിഷും ഇടുന്ന പോസ്റ്റുകൾ വളരെ വേഗം വൈറലാകാറുണ്ട്. ഇരുവർക്കും ആയിരകണക്കിന് ആരാധകരാണ് ഇൻസ്റ്റഗ്രാമിൽ ഉൾപ്പടെയുള്ളത്.

പേളി മാണിയുടെ ഗർഭകാലവും വിശേഷങ്ങളും സമൂഹമാധ്യമങ്ങളിൽ വൈറലായിരുന്നു.