Ramesh Pisharody | ഇത്രയും പ്രതീക്ഷിച്ചായിരുന്നോ? ചാക്കോച്ചന് കൊടുത്തത് പിഷാരടിക്ക് റിട്ടേൺ ആയി കിട്ടി

സിനിമയ്ക്ക് പുറത്തും സൗഹൃദം സൂക്ഷിക്കുന്ന താരങ്ങൾക്കുദാഹരണമാണ് കുഞ്ചാക്കോ ബോബനും (Kunchacko Boban) രമേഷ് പിഷാരടിയും (Ramesh Pisharody). ഇവർക്കൊപ്പം മഞ്ജു വാര്യരും കൂടാറുണ്ട്. യാത്രകളിലും കുടുംബ സംഗമംങ്ങളിലും ഈ സൗഹൃദം കണ്ടവരുണ്ട്. ഇന്ന് ചാക്കോച്ചന്റെ അനിയത്തിപ്രാവ് തിയേറ്ററിൽ എത്തിയിട്ട് 27 വർഷങ്ങൾ പിന്നിട്ടു. ഒരു പ്രത്യേക തരം ആശംസ ചാക്കോച്ചനിട്ടു കൊടുത്താണ് പിഷാരടി ആ വാർഷികം ആഘോഷിച്ചത്

മുകളിൽ കണ്ട ചിത്രം പോസ്റ്റ് ചെയ്ത് 'ചാക്കോച്ചൻ വന്നു കമന്റ്‌ ഇട്ടാൽ 'അനിയത്തിപ്രാവ്' ഒന്നുകൂടെ കാണും' എന്ന് പിഷാരടിയുടെ കമന്റ്. മിനിറ്റുകളുടെ വ്യത്യാസത്തിൽ ചാക്കോച്ചൻ പറന്നെത്തി 'കാണൂ കാണൂ' എന്ന് കമന്റ് ചെയ്‌തു. പക്ഷേ, പിഷാരടി പ്രതീക്ഷിച്ചതിലും വലുത് വരാനിരുന്നതേയുള്ളൂ (തുടർന്ന് വായിക്കുക)

'അനിയത്തിപ്രാവ്' സിനിമയിലൂടെയാണ് കുഞ്ചാക്കോ ബോബൻ മലയാള സിനിമയിൽ നായകനായി അരങ്ങേറ്റം കുറിക്കുന്നത്. ശാലിനി അജിത് ആയിരുന്നു ചിത്രത്തിലെ നായിക. ഇരുവരെയും നായികയും നായകനുമായി അവതരിപ്പിച്ചത് സംവിധായകൻ ഫാസിലും

പോസ്റ്റ് ഇട്ട് അതിൽ താരങ്ങളെക്കൊണ്ട് കമന്റ് ചെയ്യിക്കുന്ന ട്രെൻഡിനെ പിഷാരടി പിന്താങ്ങിയതും, അതേ ചൂണ്ട കൊണ്ട് പിഷാരടിയെ പിടിക്കാൻ തയാറായി ആരാധകർ കമന്റ് ബോക്സിൽ നിരന്നു. പിഷാരടിക്കും മറുപടി കൊടുക്കാതിരിക്കാൻ സാധിച്ചില്ല

പിഷാരടി റിപ്ലൈ തന്നാൽ ഗാനഗന്ധർവനും പഞ്ചവർണത്തത്തയും കാണും എന്ന് പറഞ്ഞുകൊണ്ട് ഫാൻസ്‌ എത്തിച്ചേർന്നു. ഇത് രണ്ടും രമേഷ് പിഷാരടി സംവിധാനം ചെയ്ത ചിത്രങ്ങളാണ്. ഒരെണ്ണത്തിൽ നായകൻ കുഞ്ചാക്കോ ബോബൻ ആയിരുന്നു

പിഷാരടി മൂന്നാമതായി സംവിധാനം ചെയ്യുന്ന ചിത്രം പ്രഖ്യാപിച്ചു കഴിഞ്ഞു. നടൻ, സംവിധായകൻ എന്നീ നിലകൾക്ക് പുറമേ സ്റ്റാൻഡ് അപ്പ് കൊമേഡിയനായും പിഷാരടിയെ മലയാളികൾക്ക് പരിചയമുണ്ട്. ടി.വി. അവതാരകനായും പിഷാരടി എത്തിയിട്ടുണ്ട്

രമേഷ് പിഷാരടിയും ഭാര്യ സൗമ്യയും മൂന്നു മക്കളും സുരേഷ് ഗോപിയുടെ പുത്രി ഭാഗ്യാ സുരേഷിന്റെ വിവാഹവേളയിൽ