Suresh Gopi | മോദിജീ, സുരേഷ് ഗോപി ദേ വന്നു; അയോധ്യയിൽ പോകാൻ പറ്റാത്ത കുറവ് നികത്തി സൂപ്പർ താരം

ക്ഷണം ലഭിച്ചിട്ടും മലയാളത്തിന്റെ പ്രിയ നടന്മാരായ മോഹൻലാലും സുരേഷ് ഗോപിയും (Suresh Gopi) അയോധ്യ രാമ ക്ഷേത്രത്തിന്റെ പ്രാണപ്രതിഷ്‌ഠ ചടങ്ങിൽ പങ്കെടുക്കാതിരുന്നത് വലിയ വാർത്തയായിരുന്നു. ഈ ചടങ്ങിന് ഏതാനും ദിവസങ്ങൾക്കു മുൻപാണ് സുരേഷ് ഗോപിയുടെ മകളുടെ വിവാഹം നടന്നത്. ഇതിൽ നരേന്ദ്ര മോദിയായിരുന്നു പ്രധാന ക്ഷണിതാവ്. എന്നാൽ അന്ന് അയോധ്യയിൽ പോകാൻ സാധിക്കാത്തതിന്റെ കുറവ് നികത്തിക്കഴിഞ്ഞു സുരേഷ് ഗോപി

അബുദാബിയിൽ നടക്കുന്ന അഹ്‌ലന്‍ മോദി സമ്മേളനത്തിൽ പങ്കെടുത്ത പതിനായിരക്കണക്കിന് ഇന്ത്യൻ ജനതയ്‌ക്കൊപ്പം സുരേഷ് ഗോപിയും വേദിയിൽ അണിനിരന്നു. ഈ ചിത്രങ്ങൾ അദ്ദേഹം ഇൻസ്റ്റഗ്രാം പേജിൽ പോസ്റ്റ് ചെയ്തു. തീർത്തും സാധാരണക്കാരനായി അഹ്‌ലൻ മോദി ടാഗ് കയ്യിൽ ധരിച്ചാണ് സുരേഷ് ഗോപി പങ്കെടുത്തത് (തുടർന്ന് വായിക്കുക)

'ഭാരതം നിങ്ങളെയോർത്ത് അഭിമാനിക്കുന്നു' എന്ന് മലയാളത്തിൽ പറഞ്ഞാണ് മോദി പ്രസംഗം ആരംഭിച്ചത്. തമിഴ്, തെലുങ്ക്, സംസ്കൃത ഭാഷകളിലും മോദി സദസിനെ അഭിസംബോധന ചെയ്തിരുന്നു

രാജ്യത്തിന്റെ പ്രധാനമന്ത്രി ഒരു വിവാഹത്തിന് പങ്കെടുക്കുന്നത് സംസ്ഥാനത്തെ തന്നെ ആദ്യ കാഴ്ചയായിരുന്നു. ഗുരുവായൂർ ക്ഷേത്രത്തിൽ വച്ചാണ് സുരേഷ് ഗോപിയുടെ മകൾ ഭാഗ്യാ സുരേഷിന് ശ്രേയസ് മോഹൻ താലികെട്ടിയത്

സുരേഷ് ഗോപിയുടെ മകളുടെ വിവാഹച്ചടങ്ങിൽ പങ്കെടുത്തതിനൊപ്പം അവിടെ എത്തിച്ചേർന്ന എല്ലാ വധൂവരന്മാർക്കും നരേന്ദ്ര മോദി അയോധ്യയിൽ പൂജിച്ച അക്ഷതം സമ്മാനിച്ചിരുന്നു. അവരെ ആശീർവദിക്കുക കൂടി ചെയ്ത ശേഷം മാത്രമേ അദ്ദേഹം മടങ്ങിയുള്ളൂ

സയ്ദ് സ്പോർട്സ് സിറ്റി സ്റ്റേഡിയത്തിൽ നടന്ന അഹ്‌ലൻ മോദി സമ്മേളനത്തിൽ 35 ലക്ഷം പേർ പങ്കെടുത്തു എന്നാണ് റിപ്പോർട്ട്. മൂന്നാം തവണയും ഭരണത്തിൽ തിരികെയെത്തും എന്ന് മോദി പ്രതീക്ഷ പ്രകടിപ്പിച്ചു