സിനിമയിൽ നായകനാക്കിയത് രജിത്കുമാർ അറിഞ്ഞില്ലേ? ദയ അശ്വതി പോസ്റ്റ് ചെയ്ത വീഡിയോ വൈറലാവുന്നു

ബിഗ് ബോസ് മത്സരാർത്ഥിയായതിനെ തുടർന്ന് വൻ താര പരിവേഷം ലഭിച്ച വ്യക്തിയാണ് അധ്യാപകനായ രജിത് കുമാർ. രജിത് ആർമി എന്ന പേരിൽ കോവിഡ് നാളുകളിൽ പോലും കാരുണ്യ പ്രവർത്തനങ്ങൾ നടത്തുന്ന സംഘം ആണ് ഈ ആരാധക കൂട്ടം. രജിത് കുമാർ നായകനായി സിനിമ വരാൻ പോകുന്നെന്ന വാർത്തയും ഇദ്ദേഹം ബിഗ് ബോസ് വീട് വിട്ട ശേഷം വന്നിരുന്നു. എന്നാൽ ഇത് രജിത് കുമാർ ഇപ്പോഴും അറിഞ്ഞിട്ടില്ല എന്ന സംശയത്തിന് ഇടവയ്ക്കുന്ന പോസ്റ്റുമായി വരികയാണ് സഹമത്സരാർത്ഥിയായിരുന്ന ദയ അശ്വതി

ഒരു ചാനൽ പരിപാടിയിൽ സിനിമാ താരങ്ങളുമായി സംവദിക്കുന്ന രജിത്കുമാറിന്റെ വിഡിയോയാണ് ദയയുടെ ഫേസ്ബുക് പേജിലും ടിക്ടോക് അക്കൗണ്ടിലും പ്രത്യക്ഷപ്പെട്ടിരിക്കുന്നത്. ഇതിൽ രജിത്കുമാർ നൽകുന്ന മറുപടിയാണ് സംശയത്തിനിട നൽകുന്നത്

'യൂട്യൂബ് ചാനലിനിനെതിരേ കുറച്ചു ദിവസങ്ങൾക്ക് മുൻപ് ഞാനും ഇതു തന്നെയാ പറഞ്ഞത്. അപ്പോ എനിക്ക് തലക്ക് വട്ട്, എനിക്ക് വിദ്യാഭ്യാസക്കുറവ്, ഈ ഞാൻ നുണ പറഞ്ഞു, ഈ ഞാൻ പെരും കളി ഇപ്പോ എന്തായി' എന്ന് ദയ പോസ്റ്റിൽ ചോദിക്കുന്നു. സിനിമ നടൻ ബിജുക്കുട്ടന്റെ ചോദ്യത്തിനാണ് രജിത്കുമാറിന്റെ പ്രതികരണമുണ്ടായത്

സാറിനെ നായകനാക്കി ആരോ സിനിമ ചെയ്യാൻ പോകുന്നെന്ന് കേട്ടു, അത് നേരാണോ നുണയാണോ എന്ന ബിജുക്കുട്ടന്റെ ചോദ്യത്തിന് രജിത് കുമാർ നൽകിയ മറുപടി ഇങ്ങനെ:

"യൂട്യൂബിൽ വരുന്നതെല്ലാം സത്യമായെങ്കിൽ ഞാൻ അമേരിക്കൻ പ്രസിഡന്റ് ആയി പോയേനെ. ഞാൻ പോലും അറിയാത്ത ഞാൻ പോലും മനസ്സിൽ വിചാരിക്കാത്ത എന്തൊക്കെ കാര്യങ്ങളാണ് യൂട്യൂബിൽ വരുന്നത്." ഇതാണ് രജിത്കുമാറിന്റെ പ്രതികരണം

ബിഗ് ബോസ് മത്സരത്തിനിടെ സഹമത്സരാർത്ഥിയുടെ കണ്ണിൽ മുളക് തേച്ചു എന്ന പേരിലാണ് രജിത്കുമാറിനെ മത്സരത്തിൽ നിന്നും എലിമിനേറ്റു ചെയ്തത്. തുടർന്നും രജിത്കുമാറിനെ വിവാദങ്ങൾ പിന്തുടർന്നു

കോവിഡ് നിയന്ത്രണങ്ങൾ നിലനിൽക്കെ, കൊച്ചി രാജ്യാന്തര വിമാനത്താവളത്തിൽ വലിയൊരു സംഘം ആരാധകർ രജിത്തിനെ സ്വീകരിക്കാനെത്തിയിരുന്നു. ഈ ആൾക്കൂട്ടം സംഘടിപ്പിച്ചവർക്കെതിരെയും രജിത്തിനെതിരെയും കേസും അറസ്റ്റുമുണ്ടായി. രജിത്കുമാറിനെ പിന്നീട് സ്റ്റേഷൻ ജാമ്യത്തിൽ വിട്ടയക്കുകയായിരുന്നു