Keerthy Suresh | കീർത്തി സുരേഷ് ഇനി കമൽഹാസനൊപ്പം; വേട്ടയാട് വിളയാട് രണ്ടാം ഭാഗത്തിൽ

Keerthy Suresh: നാഗ് അശ്വിൻ സംവിധാനം ചെയ്ത മഹാനടി എന്ന ചിത്രത്തിന് മികച്ച നടിക്കുള്ള ദേശീയ പുരസ്കാരം നേടിയതോടെ കീർത്തി സുരേഷിന്‍റെ താരമൂല്യം ഉയർന്നു. ആ ചിത്രത്തിന്റെ ജനപ്രീതിയോടെ, തെലുങ്കിലെയും തമിഴിലെയും മുൻനിര നായകന്മാർക്കൊപ്പം അഭിനയിക്കാൻ കീർത്തി സുരേഷിന് അവസരം ലഭിച്ചു.

വിജയ്, വിക്രം, സൂര്യ, പവൻ കല്യാൺ എന്നിവരോടൊപ്പം അഭിനയിച്ച കീർത്തി ഇപ്പോൾ രജനീകാന്തിനൊപ്പം 'അന്നാട്ടെ'യിലാണ് അഭിനയിക്കുന്നത്.

ഇപ്പോഴിതാ തമിഴിലെ ഉലകനായകൻ കമൽ ഹാസന്റെ നായികയായി അഭിനയിക്കാൻ കീർത്തിക്ക് അവസരം ലഭിച്ചതായാണ് പുതിയ റിപ്പോർട്ട്.

ഗൗതം മേനോൻ സംവിധാനം ചെയ്ത 2006 ൽ പുറത്തിറങ്ങിയ ' വേട്ടയാട് വിളയാട് ' എന്ന ചിത്രത്തിന്റെ രണ്ടാം ഭാഗത്തിലാണ് കമൽഹാസനൊപ്പം കീർത്തി സുപ്രധാനവേഷത്തിൽ അഭിനയിക്കുന്നത്. ആക്ഷൻ ത്രില്ലർ വിഭാഗത്തിലുള്ള ചിത്രമായിരുന്നു 'വേട്ടയാട് വിളയാട് '. രണ്ടാം ഭാഗത്തിന്‍റെ നിർമ്മാതാവും ഗൗതം മേനോൻ ആണ്.

അടുത്തിടെയായി കീർത്തി തുടർച്ചയായി തെലുങ്കിൽ സിനിമകളിലാണ് നിറഞ്ഞുനിന്നത്. ഗോപിചന്ദിന്റെ നായകനായി സംവിധായകൻ തേജ ഒരുക്കുന്ന ഏറ്റവും പുതിയ ചിത്രം 'അലിവേലുമംഗ വെങ്കടരാമണ' എന്ന ചിത്രത്തിൽ കീർത്തിയാണ് നായിക.

വെങ്കി അതുലൂരി സംവിധാനം ചെയ്യുന്ന രംഗ് ഡെലോയിൽ കീർത്തി നിതിന്‍റെ നായികയായി അഭിനയിക്കുന്നുണ്ട്.