തുലാഭാര ത്രാസിലെ കുട്ടി മലയാള സിനിമാ ലോകത്തെത്തിയിട്ട് മൂന്നു വർഷങ്ങൾ

വളരെ രസകരമായ ചോദ്യങ്ങൾക്ക് ആരാധകരും താരങ്ങളും തമ്മിൽ സംവദിക്കുന്ന ഒരു മേഖല കൂടിയാണ് ഇൻസ്റ്റഗ്രാം. സിനിമ കൂടാതെയുള്ള വിശേഷങ്ങൾ അറിയാനാവും പലർക്കും താൽപ്പര്യം. കൂട്ടുകാർ, വീട്ടുകാർ, നേരമ്പോക്കുകൾ എന്നിങ്ങനെയുള്ള സകലമാന വിശേഷങ്ങളും ഈ ചോദ്യോത്തര വേളയിൽ ഉണ്ടാവും

അത്തരത്തിൽ തന്റെ ഫോണിൽ ഉള്ള ഏറ്റവും പഴയ ചിത്രം ഒന്ന് ഷെയർ ചെയ്യാമോ എന്ന ആരാധകരുടെ ചോദ്യത്തിന് പ്രേക്ഷകരുടെ പ്രിയങ്കരി നൽകിയ ഫോട്ടോയാണ് മുകളിൽ കണ്ടത്. ഈ ഫോട്ടോ ഇറങ്ങിയതുമായി ബന്ധപ്പെട്ട് മറ്റൊരു പ്രത്യേകത കൂടി കൂട്ടിവായിക്കാവുന്നതാണ്. ചിത്രത്തിലെ ആൾ മലയാള സിനിമയിൽ എത്തിയിട്ട് ഇന്ന് മൂന്നു വർഷങ്ങൾ തികഞ്ഞിരിക്കുന്നു

നടി എന്നതിനേക്കാളും മുൻപ് നർത്തകിയായി പേരെടുത്ത, ഇപ്പോഴും നൃത്ത ചുവടുകളുമായി പ്രേക്ഷകരുടെ ഇടയിൽ സജീവമായ ആ കുട്ടി സാനിയ അയ്യപ്പനാണ്. പതിനഞ്ചാം വയസ്സിൽ ചിന്നു എന്ന നായികാ കഥാപാത്രത്തെ അവതരിപ്പിച്ച് പുറത്തിറങ്ങിയ 'ക്വീൻ 'എന്ന സിനിമയുടെ മൂന്നാം വാർഷികം കൂടിയാണിന്ന്

അടുത്തതായി 'കൃഷ്ണൻകുട്ടി പണിതുടങ്ങി' എന്ന സിനിമയിലെ നായികാ വേഷം കൈകാര്യം ചെയ്യുകയാണ് സാനിയ. വിഷ്ണു ഉണ്ണികൃഷ്ണൻ ആണ് ഈ ചിത്രത്തിലെ നായകൻ. ചിത്രത്തിലെ ഫസ്റ്റ് ലുക്ക് ആണ് ഈ കാണുന്നത്

'പതിനെട്ടാം പടി' എന്ന ചിത്രത്തിലെ അതിഥി വേഷമാണ് സാനിയ ഏറ്റവും ഒടുവിലായി ചെയ്തത്. ഇതിൽ ഒരു ഗാനരംഗത്തിൽ സാനിയ പ്രത്യക്ഷപ്പെട്ടു

സാനിയ അയ്യപ്പൻ

സാനിയ അയ്യപ്പൻ

സാനിയ അയ്യപ്പൻ